هل تعلم ان جميع الناس يحسدوك؟
كلا
هل تعلم ان جميع الناس يحسدوك؟
كلا
اكيد لا ,لان من الطبيعي كل شخص يتمنى السعادة لغيره
مواقف مررت بها؟
وما اكثرها ..مضحكه وحزينه ....مواقف دفعتني الى البكاء ...كلها دروس تعلمت منها
اكيدالمشاركة الأصلية كتبت بواسطة Lotus flower
تحدث لنا عن موقف مضحك؟
هي كثيره جدا ولكن اكثرها خلال المسيره الدراسيه
وخلال حياتي في الاقسام الداخليه
راح اسولفكم موقفين مره بالدراسه الاعداديه ومره اخرى في القسم الداخلي
مره بالخامس علمي جان عندي امتحان حاسوب ....الامتحان كله ورقه وحده.. اتعاجزت اقراه..وحسام صاحبي هم سوالي واهس كلت ما اقراه خلي شيصير يصير ...فرحت للدوام ثاني يوم اني وحسام صاحبي مقارين الامتحان اجينه شنسوي ....كال حسام حيدر خل نبرشهم ونفض السالفه ...كتله حسام اني بحياتي ممبرشم ....كتله اني من خيالي اخاف انوب عندي برشومه واستاذ واكف عليه ...كال بكيفك الشغله يمك ...المهم ما عندي غير حل كتله موافق ..حسام كال :حيدر شوف هو الامتحان ورقه وحده واني راح اشك الورقه من الكتاب وانقل عليه ..اني كتله لا اخاف الورقه جبيره وتبين ننكشف ...كتله اني راح اسوي برشومه تهي بهي هسه شوف اخوك راح يبدع ...عود بديت ابرشم اكتب وما ملحك ..كول كملت الربشومه ...الربشومه صارت اكبر من ورقه الكتاب هههه... المهم بده الامتحان اني وحسام كاعدين اخير رحله اني كاعد بالزاويه يم الحايط وحسام بصفي ...كول المدرس وزع الاسئله اني شلت البرشومه وحطيته بنص الورقه وحسام صاحبي كاعد وطابك رجليه ومخلي ورقه الكتاب بحضنه ...المهم كاعد نمتحن جان يجي الاستاذ علينه ...اني كمت ما اشوف دربي برشومتي حطيته بنص ورقه الامتحان وظليت اندس بحسام ولك حسام ضم الورقه اجانه المدرس حسام ضمه يمعود ...جان حسام يشيل الورقه مال الكتاب ويخليه بيناتنه وين احنه كاعدين والاستاذ اجانه ...كلت اني احنه رحنه بيه ...شسويت كمت وكعدت عل الورقه حته ميشوفه بس جسمي صار لزك بصف صاحبي حسام ويجي المدرس كال بابا شبيك المكان هذا كله ممكفيك لاطش وي صاحبك شكو ..كتله لا استاذ اني احب اكعد هيج متعود .كال بابا شويه ادنه كتله استاذ ما ادنه مرتاح هيج بهاي الاثناء حسام صاحبي خربان ضحك وهو منا سمين حبنتي ...ويضحك ..المهم وجه صاير طمطايه من الضحك ...واني وجهي اصفر ...المدرس يكلي شبيك ادنه يمعود ...اني الورقه جواي ما اكدر اكوم كمت اسحل بروحي سحل عل الرحله حته ما تطلع الورقه وانتوا تخيلوا الموقف المهم كولوا دار وجهه الاستاذ وحسام خربان ضحك ...جان وهو يضحك ضربته بوكس عل بطنه اريده يسكت جان هو يعيط صاح ااااااع ....هههههههههههه خرب بالحظ جان يرجع الاستاذ كال ل حسام بابا شبيك تضحك كتله بكلبي ...غير كلب ابن كلب ورطنه هو احنه وجه براشيم ...كمت عل الاستاذ كتله استاذ رحمه لوالديك هاك البرشومه هوواني غبي ووافقت عل فكرة هذا المطي ...شنو هالذله هاي ...جان الاستاذ مات من الضحك ...كال روح اطلعوا ثنيناتكم انتم ناجحين ههههههه....وطلعنه واكتلك حسام كتله والله جف ايدي طبعته بظهره ..بس الحمد لله من نجحنه
موقف حزين؟
من جنت اداوم بالجامعه التكنلوجيه فطلعت تعيبنات معهد النفط وطلع تنسيبي عل شركه نفط الوسط ...فاني اختار اما تعيين او اترك الدراسه او العكس ...فاني كلت هسه المعاملات مال التعيين تتاخر شويه فاني كلا بلكت يخلوني اكمل هاي السنه ...ضليت اداوم تقريبا قبل الفاينل باسبوع فرحت للشركه كالوا هسه تروح تجيب كتاب ترقين قيدك لا تعيينك يروح..حيل ضجت وانقهرت والله لأن سنه كامله اني اداوم وبقت بس امتحانات الفاينل واخلصه ..جان رحت للجامعه قدمت طلب ترقين قيدي كلهم تفاجئوا الاساتذه والطلاب شيسوي هذا كاعد ..المهم من شرحتلهم الوضع ...الجماعه تفهموا وضعي ...فقدمت الكتاب كال فد اسبوع وتعال ...رحت ورجعت جان بوكته يصادف اول ايام امتحانات الفاينل .. وصلت لكيت الجامعه فارغه الطلاب كله تمتحن ...صعدت كالوا فد شويه واصعد ...ضليت كاعد جان بدا جماعتنه يطلعون من الامتحان الي جان رسم هندسي بوكته ....هنا اتندمت والله ...الدمعه بعيني الطلاب طالعه من الامتحان هسه واني انتظر كتاب ترقين قيدي واول يوم الفاينل ...جان حيل موقف صعب ...بس الحمد لله عل كال
أهلا وسهلا بالأخ
متابعة
موقف مفاجئ؟
هذا الموقف صار بالقسم الداخلي بمعهد النفط
جنت اعاني من الارق يعني جنت انام ٤ ساعات بالتمام لا تزيد ولا تنقص خلال ٢٤ ساعه ...جنت انام ب ٣ الصبح واكعد ٧ الصبح يوميه عل هذا الروتين ..فهذي الاربع ساعات الي انامهه لو شتسوي يمي ما اكعد يعني لو تشيلي من السرير ما اكعد ..فاني غرفتي جانوا يدرون بيه اذا انام ما اكعد فمره من المرات اني نايم جماعتي شالوني فوك السطح فارشين فراش ومخليني نايم بدون غطه واني ما ادري نايم بالشته والجو بارد ضليت بالنص ساعه ونايم وبعده فزيت ما ادري شكو ماكو بردان اباوع اني شجابنني هنا هههههه...شسوي رجعت نزلت وسويت كلبت الغرفه كلاب هههههه كتلهم هيج تسوون بيه والله اليوم ماتنامون ههههه وخليتهم كاعدين للصبح والله هههه......بس الصراحه تفاجئت من لكيت روحي فوك السطح ههههههه...
موقف اسعدك لدرجة البكاء؟
الموقف صار بداية السنه الثانيه من معهد النفط ..ف بداية السنه الثانيه انطوا ترتيب الطلاب (التسلسل) مال المرحله الاولى ...فالاستاذ كال الف مبروك للطاب المتفوق حيدر علاوي مجيد الاول عل قسمه ...قسم المضخات والتوربينات والاول على قسم الميكانيك ...كال الف مبروك مره ثانيه وحضر جواز سفرك لان راح تطلع بعثه لتركيا لكونك الاول عل قسمك وطلعت الحمد لله لتركيا ...الصراحه هنا جنت ما اوصف شعوري من الفرحه والدمعه بعيني ....واتذكرت الوعد الي قطعته لوالدتي ...كتله يمه اني رايح للمعهد مو فقط للتعيين اني رايح اجيبلج الاوائل واجي ..لان هي جانت ما موافقه اروح معهد نفط واترك التقنيه الهندسيه ...فاني انطيتها وعد كتله اروح للمعهد اقره واطلع الاول وبفضل الله واهل البيت وفيت بوعدي ...الحمد لله
واخيرا احب اشكركم عل هاي المسابقه الرائعه
واتمنالكم المزيد من التألق والابداع في ادارة هذا المنتدى الرائع...شكرا جزيلا