شرائح السجق المتبلة بالخلطة
المقادير
1/2 كيلو سجق أو سوسيس- 1طماطم -معلقة كبيرة طحينة-معلقة صغيرة زعتر-3فص ثوم-صلصة طماطم-ملح وفلفل-فلفل أخضر-بصلة-زيت-خل
الطريقة
1- قطعي السجق حلقات بس ما تخليش سمكها رفيع يعني ممكن تقسمي الواحدة على ثلاث أو أربع حلقات وسيبيه على جنب شوية
2-هاتي البصلة والثوم وافرميهم مع بعض كويس وهاتي طاسة كبيرة وحطي شوية من الزيت وحطي فيها الثوم والبصل ومعلقتين صلصة كبار وقلبيهم مع بعض كويس وسيبيهم على النار لمدة من 5 إلى 7 دقايق
3-بعد كده قطعي الطماطم لقطع صغيرة وضيفيها على الثوم والبصل والصلصة وسيبيهم لمدة 5 دقايق كمان وبعد كده لو حابة ممكن تقطعي الفلفل وتضيفيه عليهم
4-حمري السجق في زيت لوحدة وضيفيه علي الصلصة وسيبيه لحد ما يستوي وطبعا ما تنسيش الملح والفلفل
5-قبل ما تطفي على السجق حطي معلقة الطحينة ومعلقة صغيرة خل وفي الآخر رشي عليه شوية زعتر اختياري
رد مع اقتباس
