أذا تسمحلي لطفا عندي شغلة وياك
أريـد ويـاك اسـولف اني سـالـوفة
شنو عندك قصر بالنظر لو متشوف
جرحي كبال عينك شنهي ماتشوفة
والتكتل بديك الخيط والمخياط
جا ليش الجرح ماتقبل تروفة
الظاهر تحب لون الحمار هواي
لذلك عايف انتة جروحي مكشوفة
اذا متونس انتة تباوع على دماي
متع نظر عينك والجرح عوفة
خلينة نتحاسب حسبة مال احباب
واكلك بالاحسة وانتة هم كلي
خلينة نكعد ونشرح الاسباب
ونخلي على الحروف نقاطنة نخلي
اذا كل شبر بية تحبة انتة تكو
ل انة حبي الك ينقاس بالملي
واذا بكلبك اعيش فقط يالمحبوب
والكعبة انتة كلك عايش بكلي
نتعارك نعم مرات انا وياك
وتكتلني كتل وهواك ماتركة
وبالعركة اكيف من علي تفوز
اشعر جني اني الفزت بالعركة
وبالعركة ماريد اي حاجوز
عركي وياك ماريد احد يفكة
انا الرايد مشابك شلي بالحاجوز
عركتي وياك كلهة لخاطر الشبكة
اكتلني بعد وافركني حد الموت
الذهب يسدد بريقا لمن تفركة
ولو صايرلي زيبك بس بسيطة تهون
لـــو زيبك يصير زيـبــك انـمسـكة
رد مع اقتباس
