عبدالرحمن عنده بس صديق واحد بحياته ، فجان فرحان كلش لان صديقه كاله الاربعاء التجي الحنة مالتي ، وهذا عرس وزفاف اعز شي بحياته وصديق عمره
فكعد الاربعاء من الصبح علمود يشوفه شراح يسوي ويساعده باليكدرله دخل للدردشه ولكه مكتوب !
عبود اني اسف حيل ، بس خطيبتي ماتقبل تجي للحنة مالتي
لأنك مريض بالسرطان وعلمود علاجك والاشعاعات والجلسات الكيمياوية تأثر عليه من تجي تسلم عليه !
عبد الرحمن دزله رساله
لا لتكول هيج ، اني نفسي احضر اي فرح علمود اطلع من الي اني عايشه ، وافرح ولو مره بحياتي خصه انت اخوي الوحيد بس اني مايرضيني اسبب مشكله بينك وبين خطيبتك ربي يفرحكم ويارب حياة سعيدة ،
بس اني جنت منتضر هاي الفرحة من زمان ، واني جنت مقرر اذا اجي اكعد بعيد عنك وافرح وياك ، على العموم هي بنت حلال وتخاف عليك ياخيي
المشاركة الأصلية كتبت بواسطة نازلي
