هنا

[الخجول]

خليك طيف ايروح المنزلي
وخليني طيف ايغرد ابمنزلك
طول مسيري وتيهت ساحلي
وانه اجيت امدولب الساحلك
............
يامن وهب للصابرين الورد
هلبت تصح للماصبر منشده
واحد يبات اعله النده والعرد
اوواحد يباهي اغيومها ابمورده
واحد ينعثل وحده بالكعد
ﭼم نوخذه العايش على الوحده
وتدري السحابه شما تظل تنجلي
وذاك اليخاف امن السحابه هلك
حابسني يامن كسرت منجلي
ساعه وحصد باجي العمر منجلك
...........
خاف النواظر تذبل امن الشمس
مرخوص اصير الناظرك منذره
اردس على اﮔليبي يحمل الردس
وخل ﮔذلتك يمدلل امنعثره
صدڳ لون فر الهوى بالعكس
وذيﺞ النواظر ظلت امخدره
امودع الله وانه ارد الهلي
وخليني طيف ايروح ابمنزلك
وخليني وشما طوه منغزلي
بيها يرد يلتف على مغزلك

نقلتها ولا اعرف لمن
تحياتي

[أغرد بهمس]

سلمت^-^

[زين العابدين الشمري]

هله وميت هله على هذه المعلقة الرائعه واكثر من رائعه
اتحفتنا ياخجول وفيها عبارات قمة بالشفافية والروعه
قرأتها وكانت كلماتها منسابة على ايقاع شجي لم اقرأ
قصيدة منذ زمن ليس بالقصير ولكني قرأت اليوم
انا غاية الامتنان منك ياخجول وغاية الود لك فائق
اعتباري وتحياتي

[علي الشمري]

يا اخي والله حيره
شلون الواحد يوصف هاي القصيده
بس اگلك عاشت الايادي
وانتقاء اكثر من رائع
تقييمي

[الخجول]

سلمتي اخت اغرد بصمت
ع المرور

[الخجول]

ابن الاجاويد حبيبي انا كلي امتنان وسرور
لان واحد من امثالك يرد متصفحي وهذه وحدها
تثلج الصدر زين العابدين ابن الاصل والفصل
صدقني يا اخي انا بمنتديات اخرى لم اجد امثالك
وانت تحمل كل هذا الخلق الرفيع وهذا يدل على
انك طيب المنبع والاصل تستاهل هذا المدح يلشمري
احترامي

[الخجول]

الرائع كلي شكرا ايها الشمري لك
احترامي وتقديري