ارد اسولف قصتي وي الزمان وارد ابين الـــــــــم وهموم الكلب
انه بكماط وعلي سل السيوف وخلة دم الوكت من عيني يصب
فكدنه آبائنه من جنه رضعان
ولا منهم نظر شبعن هالعيون
وربينه احنه بعسر والام وهموم
ونه اترجة علي بالكت يعودون
اعيوني بحيلهن يربن على السير
وكعد ونتظر بالكت يمرون
لان صعبة علي دوم انه مهظوم
وباكت مني جلمة بويه السنون
صبرنه احنه وصبرنه اتعده الحدود
وصبري بقفص صار مدفون
صبرنه احنه ولمن حتى الصبر كال
عجيبة من الصبر شو ماتملون
وكلولي الاهل كف قاسم ارجوك
لو حي الابو وربعه يرجعون
لجن شح الزمن بيهم يمكرود
مشو لا ناصر الهم لالهم عون
شملهم طشراه الوكت بالكاع
وميت هذا طاح وذاك مسجون
او واحد منجتل بالهور ياحيف
ولحد الان ربعه عليه يبجون
او واحد من مشه ماعاد لليوم
او واحد بالمقابر طلع مدفون
او واحد مغترب وجماله وياه
ربعه وعللوطن دايم يحنون
الابو مثل الوطن بي شعبه ملموم
وعلى كاعه اصبحوا وعليه يمسون
اشمحلاته الابو لو ناده الاولاد
ونعم بويه الولد لمن ينادون
اشمحلات الولد من يصبح ايشوف
الابو كاعد وهمه عليه يسلمون
شمحلات الولد من يكبر ايصير
الابو والام اله ضلوا يشيدون
شمحلات الولد نص اهله فرحان
واله مستفبل امه وعودة يبنون
شمحلات الولد من توفي الاباء
اذا بين الشيب ومن يكبرون
ونه هذا الحجي من عنده محروم
وجلمة بوية ما مرت علية
ابوي انه ابد ما شافته العين
لان بكماط انه وراح مندية
جاهد ونجتل من داروا اعلية
واله ضلت فخر هاي القضية
والي بنص الكلب صارت سجاجين
لان قبر الابو مابان الية
ونه الهاي المصايب والجرى وصار
اشكر وحمد برب البرية
ربيت ويالحزن ولعب معاه دوم
او وي الهم نمت والون سوية
ابوي الفكدة هلت دمعة العين
وكلبي اعلية بكه ناصب عزية
ونه كلبي يصاحب باقي مقهور
من ناس الالك بانت خوية
ظاهرهه لين بس سمهه مظموم
تلدغك كون تخمل جنهه حية
ومنهم من لدغني وسمه بحشاي
وبقيت انه الوج وناري بية
ومنهم كابلاني وسهمه بالعين
وصرت مثل اليجالع بالمنية
لجن الهم فلا طخيت انه الراس
ظل مرفوع ما دك للوطية
ومنهم لو اطية روحي انه ممنون
لان صاحب اخوه وبية حمية
وصيرله درع من سيف الايام
وهديله الكلب وهديلة رية
لان علخوة كلش هوه تعبان
ونه ممنون للذاته وفية
منقول
رد مع اقتباس
المشاركة الأصلية كتبت بواسطة أوراق شاعر
