الام التي ذهبت الى قبر ولدها
للگبر يمه اجيتك والدمـــــــــــــــوع
الك تشكي اوتصرخ اعله خـــــدودي اه
يبني حال اطفالك اوحالــــــي وراك
جــــــــــــــرح يصعب واحد ايحصل دواه
يبني بنتك حايره اوتبچي اوتگـــول
شلون غفله المــــــوت من عدنه خذاه
اتگول احس الدنيه صارت چن رماد
وگلبي ما يفـــــــــــــرح بعد من فارگاه
يبني كبرت بنتك اومشتاگــه ليك
والحزن بعيونهــــــــــــــــه الميت قراه
للگبر تتمنه يوليــــــــــــدي تجيك
لكن اليمنعهـــــــــــــه ما عدهه عباه
لسه أبنك يالولــــــد يسئل عليك
وانه اگله امسافر وترجــــــــــــع بناه
يجي الليل ايگلي شو ما رد ابوي
والله مـــــــــو طبعه يفارگني شجاه
يطلع امن البيت ويـــــــدور عليك
وانه نص الليـــــــل اضل اركض وراه
بارده الدنيــــــــه يگلي وارد انام
وشتهيت الوالد اوحظنـــــــــه اودفاه
راح للمدرســـــه وگلوله اجتماع
جيب ابوك اوگلي وگليبي چــــــواه
اصحابه كل واحد اجاه للصف ابو
وانه اجيت الصفه مـــــو انته الاجاه
يبني من يوم النمت جوه التراب
گلبي اسم الفـــــــرح يالنايم نساه
البيت اظلم والگمر كلش شريف
من فطر حيطانه ايسير ضــــــــواه
يبني من تمطر يخر ماي اوتراب
والبرد واحدنــــــــــــه يلتف ابغطاه
يبني ابو الايجار دگ بابي ويگول
بسرعه شيلو اوراح وانطاني گفاه
حگه من يوگف على الباب اويصيح
صار ست اشهر ولا واحـــــد نطاه
وحالنه ابرغم الوضع كلش يهون
امنذكر امصاب الحسين اوكربلاه
منقول
رد مع اقتباس
المشاركة الأصلية كتبت بواسطة أوراق شاعر
