هم تشتاك لعيوني لو عني الوقت دارك
اويلي شكد الك اشتاك اموت واعرف اخبارك
منو يبوسك على الشفه منو يغطيك من تغفى
جمر صاير على فراقي لو ماانطفت نارك
مدري شمات بيه وكمت ما اشتاك
عمري تانيتك ومليتك بسرعة
من شفت على عينك لون غير عيون
غسلت كفوني منك ب 12 دمعة
واني الخاطرك خنت الوفى وياي
من اوكع يعني حيل استاهل الوكعة
البقى يم مرت ابوه لمن يخص بالزاد
ينتظر اسم الله وتوصل الوجعة
متكلي ياتشتاك اشو اني ارجف وانت ولا جنك
وتفتح باب هجرك للوصل ملهوف
المفروض لحبيبك ينفتح حظنك
لو تدري بغيابك كم جرح ربيت
كان دموع عينك زاعلك ردنك
هم سامع حمامه تزاعل البستان
عفت كل الأشجار وجاي لسجنك
عندي الجرح بس ميطيب
كبل كنت استحي بس كافي اخذني الشيب
بعد متلوكله اتوسل على الرجعة
وسلملي على روحك من يمسها الشوق
وكلها الكبل حبج بشر مو سلعة
شكلي يلوكلك بس عندك ازمة ذوق
اليغردلك عمر ماتعرف اسمعه
هسه انت بعت بس عاد لو ربحان
شاريني بكمر وتبيعني بشمعة
عشكتك جويف من الدفون احبك ليش
لسواد عيونك اسهر لو على الرصعة
توكل روح واني شوكت شفتك جاي
المالاكيه اخاف شلون اضيعة
ماداريت روحي بكثر ممداريك
كنت بروحي اظمك لو يفوت اعمى
بليل الله من كنت تغفى صيرف ياي
اخاف يضيق خلكك من ضوه النجمه
كنت بس تلتفت دمعتي عليك تطيح
واتخيل اذا ما صارت القسمة
اخذ من هيبتي فراكك وبعت اسرار
وصلت الحاله اشكي البشر ما هضمه
اني انطيتك وعد كتلي واذكرك راح
الرجال الأصيل تلزمه بالكلمه
انا بيه حجي غير التكوله الناس
بس ضميته ادري العتب مو وكته
وبصدري كلب مثل المراهق صار
يبجي شوكت ما ذكروله صاحبته
حلالك ليش بعته بقيمة المبيوك
وانا مو انت سرك للسماء بعته
وليش الجان يحلم بيه شمته
كمت امشي واشوف العالم يضحكون
مرات احس روحي مو بشر نكته
مرات اختنق واشتك من بعيد
كم مره الهوى بدونك طردته
واصبر والدموع تلوك لليشتاك
والخد باكحل والدمع طرزته
شحجي هي المحبه حظوظ
الوفى مو شرط صارت كلمن وبخته
رد مع اقتباس
المشاركة الأصلية كتبت بواسطة صمت عاشق
