اثنين جانن الك
اثنين جانن الك
ماكو بحياتك فقط
انه ونضـــــــــر عينك
وعينك درتهه ورحت..ولاجني منك جنت
وبكل سهوله اخسرت
واحد من اثنينــــك
ومن رحت طاح الكلب
وصحيته كوه وكعد
وبأول احجايه انحجت عنك سأل وينك..؟
جم طيف الك ودعت
حملته شوك وعتب .. وزتيته اجه لعينك
وكل هذا باقي بأمل ..لازم يجيبك تعب
ذيج السنين المضت
مابينه وبينك
وما ايست ما تجي..بس انه لازم اجي
ابحجه ارد دينك
طميت مجره الدمع .. لونت وجه الحزن
وارسمت سلة ورد
ما اريد منك فقط بس مدلي جفينك
جيت وجبتلك ضحك
وبوسات طفله وطفل
شايلهن بشفتي .. وخدك العيد وفرح
بالك تفشل طفل
لوباس خدينك
وبالك تكلي انتضر
بعدين افكر واجي
لاهسه لازم تجي ..والغيهه بعدينك
ارجع واخذ ماردت واصرف سنين العمر
وشتريد بيهه اشتري
وخليهه كلهن علي .. لاتصرف سنينك
للمبدع ـــــ جبار رشيد
رد مع اقتباس
