هنا

[¥محبوب$القلوب¥]

زينب لما وصلت لكربلاء العباس لم يعرفها فنادى ابصوت الاحساس ** ويـن زينـب بـت عـلي
نـــاده عبــــاس ** ويـن زينـب بـت عـلي
مـا اجـت للغـاظريه...
خـاف زعـلانه عـليه
ويــن زينــب بــت عــلي
----------------------------------
صارلي فتره انـتظرها .. اويه الظـعينه اتأملتها
اشعجب زينب ما اجتني .. ثاري يمي وماشفتها
اتگـلي يمـك ياكفـيلي .. انـه بالصوت اعـرفتها
اشغـيرچ خـويه يزينب .. اخجـلت مـن ناشـدتها شافــت آلام ** وين زينب بت علي
ابرحلة الشام ** وين زينب بت علي
ابلا اخو راحت سبيه
خـاف زعـلانه عـليه
ويــن زينــب بــت عــلي
----------------------------------
چــانت ابرحـله طـويله .. وبمــسـيرتـهــا تــكافح
صرت مـا اعرفها اني .. هـواي متـغـيره المــلامح
مـدري غـيرها سبيها .. مـدري شوفي ماهو واضح
مدري تعذرني اعله هاذي .. مدري ماتـگدر تـسامح ناشـدت وين ** وين زينب بت علي
يخت الحسين ** وين زينب بت علي
لـيش دمعـتها جريه
خـاف زعـلانه عـليه
ويــن زينــب بــت عــلي
----------------------------------
كلمتها ودمعي يجري .. صـدگ زينـب خويه انتي
اشبيها عينـچ يالعقيله .. الكافلـچ شـو ما نظرتي
هذا اثر چف اعله وجهچ .. لاتگـليــلي انـظـربتي
مــارحـت ويـاچ خـويه .. بالسـبي لمـن رحـلتي انــه نــاديت ** وين زينب بت علي
ابكربله ابگيت ** وين زينب بت علي
ردت اوصيچ ابوصيه
خـاف زعـلانه عـليه
ويــن زينــب بــت عــلي
----------------------------------
مــن شـفتها آلمـتني .. ودم بچـت عيني عليها
انـتي زينب ما اصـدگ .. گالـت انــي يــاولـيها
جرحـتني وعذبـتني .. چيه شفت دم تـجري اديها
ثاري من راحت سبيه .. بـــالـحبـال امـگـيديـها اميسره اتروح ** وين زينب بت علي
وانـه مـذبـوح ** وين زينب بت علي
وسفه وافتني المنيه
خـاف زعـلانه عــليه
ويــن زينــب بــت عــلي
----------------------------------
انظـر واصـفن علـيها .. وحالـها عالگـلب يـصعب
خـل اركـز زيـن ببهـا .. هاي معقوله اختي زينب
غيرتي ماتـرضه چانت .. الـهوه من عدهـا يگـرب
وهسه ردت من سبيها .. امن الجره والصار تنحب اتگلي ترضون ** وين زينب بت علي
سـود المـتون ** وين زينب بت علي
والله ماظل شي بديه
خـاف زعـلانـه عـليه
ويــن زينــب بــت عــلي
----------------------------------
والله مشـتاگلها انـي .. يوم يـوم احـسب تـجيني
گبري اقَسم بالكـفاله .. ايسـولف الهـا عن حنيني
چن سهم لمن شـفتها .. مـنـظر اختـي طفه عيني
إلسـبي غـيَر شكلـها .. وبـســبـيها امـصـوبيـني شنهو الاعـذار ** وين زينب بت علي
خويه عالـصار ** وين زينب بت علي
السكوت احسن اليه
خـاف زعـلانه عـليه
ويــن زينــب بــت عــلي
----------------------------------
تمت والحمد لله
خادم الحسين حيدر تركي الكربلائي

[حـــلاة الـــروح]

بارك الله بيك
طرح موفق

[رسـيل_^]

جزاك الله خيرا وشكرا لك خيي

[Princess Nanoosha]

شكرا ع الموضوع

[¥محبوب$القلوب¥]

عفواً نورتوا الموضوع شكراً جزيلاً