ماعوفك چذب يـآ موطن الاحرار
شلون تريد اعوفك وانتَ شرياني
وطبع بينه نظل لا ما نطخ هامات
وابقى انه العراقي برغم احزاني
واشاهد دم اخوتي يغسل الگيعان
واشگف بيدي هاي اسهام عدواني
اشگف ما اصيحن آخ واحني الراس
واظل واگف وتد بعيون جيراني
لان جيراني صارت مو وتد وياي
جيراني صفت بالشـــده نيراني
وعلى طيبة گلب بايعت هذا وذاك
ومن صارت صدگ شو ذاك باعاني
يبيـع الدم عليـه لمن احتاجيـت
وآنه الدمـي الـه صبيته مجـاني
دعرف قيمتـك وانوب رد اردود
سد وصمة العار بيوم جولاني
وآنه المـآ ردت جيراني تنزف سيل
اگولن ربي بالجيران وصانـــي
وآنه المابعت نگطة الغيره ودوم
اشيلن على متوني هموم صحباني
ومن طگنـي الوكت حسبت جاري يگوم
فعلاً گآم بس بجمـــرة چــواني
بس ثق وأعتقـد كلما تزيـد النآر
ابقى انه العراقي وهذا عنواني
&كـالو امـشي ولا تـضل بالعراق:::روح سـافر كـل همومك تنجـلي
يـعني نـفرض بلغـرب راحه وامـان:::احـنه شيـعه شلون راحه بلا علـي...
رد مع اقتباس
