حزن يعقوب
تعال أتنطرك وعيوني للباب
حبيبي آني بغيابك صاير تراب
حزين ومنطوي وحاير بلياك
مثل طير الغريب بديرة أجناب
يحزني عليك أمر من حزن يعقوب
مو بيدي عشكتك والكلب ذاب
تجازيني بجفه وتدريني محتام
وتنشدني شعلامك صاير أعصاب
وتعذب وضوك الموت بجفاك
يكلبي شوهدنك ريتك ولا حاب
كلن كلبي ولك دكاتك هواي
من علمك تكطع وصل الأحباب
لا تكطع يناهي الكطع موزين
وخاف الله وراك حساب وكتاب
تعال بفركتك ماظلت عيون
خاواهن رمد وعيوني تعشي
انا جنازة غرب بجفاك ظليت
وغيرك ما أريده يشيل نعشي
وين تريد وآني الماتم يصيح
شايل جنطتك وتريد تمشي
ماعذرك أذا ماجبت روحي
لأنك ضيعتها وضاع كلشي
.
.
.
رد مع اقتباس
