عندي ملاحظة كولش زغيرونه ؛
أحبتي الأعضاء ؛
__________
قال النبي ( صلى الله عليه وآله وسلم ) ؛(( خير الكلام ما قل ودل .))
هذا حديث الرسول (ص) والكل يعرفه ، طيب ليش أكثرنا مملتزم بيه ؟!
يعني تشوف العضو لما يجي يعلق على فد موضوع يكون تعليقه أطول من الموضوع نفسه -
كله عبارات رنانه وكلمات كبيرة كأنها خطبة ! وتقرأ وتقرأ تريد تعرف رأيه شنو .. متعرف !
يعني شنو قصدك ؟ أثارة إعجاب صاحب الموضوع ! طيب أحنا شنو ذنبنا !
وشنو ذنب اللغة لما تجي تبدل الضاد بالضاء والكسره بالياء ! مو گلنا خير الكلام ما قل ودل ، تدري بيها !
طيب يا أخي طبقها وخلينا نستفاد من الوقت شويه ولا تگلي أنت ما مجبور تقرأ تعليقاتي !
لا حبيبي ضروري قراءة التعليقات للموضوع حتى أشوف أراء الآخرين وأطلع وأتعلم منها ربما .
طبعاً مو كل التعليقات الطويلة ممله ، مرات التعليق يتوجب يكون شويه طويل للأيضاح والتفصيل
مثل ما يحدث بالنقاشات وطرح الآراء ، لكن تلگاه سلس وحلو و واضح ..
طولت عليكم .. تحياتي ألكم .. وعذرا على الشدة بالطرح .. لقلة ثقافتي .
وبالمناسبة آني أول المشمولين بالملاحظة .
ودمتم بألف خير أغاتي ..
رد مع اقتباس
المشاركة الأصلية كتبت بواسطة إجہيہكہآيہ'ۦ
