شفتك بعد غيبة .. وحاولت أحاكيك
مهوب من قلبي ولا من جراته
بغيت أقول / فلان وازريت أحاكيك
وكني سمعت أسمي مع الألتفاته
فزيت من نومي وأنا أقول لبييك
وآثرك رويا .. في منامي وجاته
صفقت كف .. وقلت يا حلم يشويك
جددت لي جرح هنى في مباته
يا اللي شريت البعد .. ماغاب طاريك
حتى لو أن البعد .. سوا سواته
مهوب محزني .. على حاجة فيك
إلا إن قلبي شايف بك غناته
كن الطيوف تقول وشحال غاليك
وأقول راح .. و مابقى الا غلاته
لو أن ما جاني من الهم ياتيك
كان المصلي ماحفظ وش صلاته
مريت شارعكم وصادفني آخيك
واللي قطع كبدي .. حلاتك حلاته
بغيت الخبط من دعاياه .. وأدعيك
وأسمك وقف بين اللسان ولهاته
وبغيت أجيب العيد وآقول : يرضيك
فاللي وصاتي له .. وضيع وصاته
البعد شيب خافق ميت فيك
والي مشى خطوة عثر في عصاته
مشكلتي / إن قلبي يحبك و يغليك
و مشكلتك / إنك شخص عايش حياتي
كثر الجفا .. نار .. وحطبها تغليك
خف الحطب .. لا تزيد نار الشماته
رد مع اقتباس
