درر العراق

علي الشمري · 5/April/2015

يالصارت صفنتك اطول من الليل …
وتبوگ الوعی من داخلک بوگه
تمطر صفنتک احلامک بتابوت …
وتشيعها الدموع بعبره مخنوگه
يالخلصت سنينک صافن اعلی الباب
ويالبابک قديم ومنتهی سوگه
شمتانی الفرح بعد الحزن يلفيک ؟
يالخاويت حزن وصرت معشوگه ..
شمتانی المشو لگبورهم يلفون ؟
وهم حتی الگبر بليان طابوگه
شمتانی المنايه ترجع الميتين ؟
ومخلی القطع عالباب مدگوگه
شمتانی بعد يا قاسم اصحه شبيک
مو حتی الگلب هم صفنت عروگه
لحد يمته تظل تکتب شعر ويضيع
حبر قلمک خلص و الورقه مشگوگه
لم کل الدفاتر من تجيلک ريح
اخاف اخر حلم لو مرت تبوگه
طفيت الجگاره بدفترک مرتين
وطلع دخان منه الوادم تضوگه
يالتحط النقط فوگ الحروف شبيک
ضيعت النقاط بورقه محروگه
هد حيطانها صارت صفنتک موت
وخيطها الجروح البيک مفتوگه
وتوچه اعلی الصبر ربک يجازی بخير
وسد باب الگلب لا يحرگک شوگه
الشاعر قاسم الطائي