ترف كلك ترف ومنين تنجاس
أحبك لإن كلشي بيك ينحب
ولإنك أبد ماتتقارن ابناس
أو لإنك انت مامخلوق من طين
وجمال البيك حاوي كل الأجناس
بيش انقارنك مثل البشر عود
واحد بالحسن وشلون تنقاس
اجوسك وانت مامجيوس لساع
ترف كلك ترف ومنين تنجاس
شيلمك بدي وانت غرو اتموع
وجهك نور حاوي وقبس قداس
تطشرني خزرتك وارجع التم
كله ايصير بيه او انت ماحاس
ومن تضحك بوجهي انسى ماكان
وابوس ابحايط اهلك كله للساس
//////////////
ما ادري موجودة لو لا اذا موجودة احذفها ابن عمي علي الشمري الورده.
تسلم ايدك
حتى اذا موجوده حلوه منك
نورت
لا ما موجودة لان لو موجودة تطلع باخر الموضوع من المواضيع المتشابهة
وقصيدة روعة شكرا جزيلا للنشر
عاشت الايادي
حلووووو
وحته اذا موجوده ناخذلك رخصه من الاداره
شكرا ساره للمرور العطر
تحياتي
الروعه مرورك اخي ابابيل
تحياتي
شكرا لمرورك العطر ابو حسين
تحياتي
حلوووو
الأحلى مرورك زينب الشامي
تحياتي
الله
رد مع اقتباس