العراقيين يستعملون كلمة عيني لعدة أغراض منها :
(هلو عيني) حتى يردون السلام ، (ها عيني) من يجاوبون على اللي يناديهم ، (شلونك عيني) للسؤال عن حال الشخص المقابل ، (لا عيني) هاي لتوكيد عدم حصول الشيء مثلاً (لا عيني وين أكو هيج حجي) ، (بعيني) تُستعمل لتلبية طلب المقابل مثل (بعيني تتدلل) ، (اي عيني) مصطلح ذو معنيين الأول للدلالة على تلبية طلب الشخص المقابل مثل (اي عيني تتدلل) والثاني لبعض الحسد مثل (اي عيني بعد شتريد) ، (ولك عيني ، ولج عيني) هذا مصطلح خاص بالنساء يستعملوه لجذب انتباه الطرف المقابل بشدة مثل (ولج عيني ما دريتي شصار بجيراننا فلانة) ، (عيني عيني) هم يستعملوها النساء فقط حتى يغورون المقابل مثل (عيني عيني شوفي اشتريت جنطة جديدة) ، (عزة بعيني) هم مصطلح خاص بالنساء يستعملوه للدلالة على الندم ، وأخيراً (يا عيني) هذا مصطلح يستعملوه النساء للشفقة يعني من ينقهرن على فد شخص أو فد شي . كل هذا ومننسى كلمة (عيني) الأصلية اللي تعني العضو الذي يقوم بعملية الابصار في الانسان .
عيني عيني عيني ، أدري شطلعت كلمة لو قاموس ؟! ههههههههههههههههه .
_______________________
شباب اكتبو ردود بس لتنطون تقييمات لأن منقول مع بعض التعديلات ، (يعني خمط بس شوية بيه تغيير) هههههههههههههه خوش موضوع مو عيني ؟
رد مع اقتباس
المشاركة الأصلية كتبت بواسطة زمرد الشمري
