شتضن معذور اگلک يوم الحساب
من ما اشوفک بوسط المشيعين
وانته اخر سهم جر وشلت الروح
بعد ما بيست بيه السجاجين
گبل کلما اعذرک تغلط النوب
ومسموح الغلط ما بين طيبين
بس بهالسهم وشلت باقي الروح
عجيبه ولا رجفت ودعمت العين
گبل عندک محنه وخاطرک جام
ومن اول حجر تنگسم نصين
شجاک شبدلک وي اليحبوک
وصرت ماصخ ملح وانته الچنت زین
عليمن هالتکبر وانته مخلوق
واحنا ثنينه خالقونا من طين
يا خرنوب غافي بحضن بستان
تاليک حطب للهل البساتين
يالمودع حبيبک ثوبک الوان
صبغته احمر بگطرات الشرايين
الی ديه برگبتک تظل للموت
واريد ديتي تلبس سوادين
سواد لخاطر امی الودعت شاب
وسواد لخاطري حد صکت العين
للشاعر قاسم الطائي
رد مع اقتباس
