هنا

[علي الشمري]

من مر الحلم بعيونج الحلوات
وصيتة بهداوة يلامس عيونج
أغار اعليج حتى من النجم لو لاح
يطيح وحجته بس يسأل شلونج
وخاف من الحسد وبناظر الحساد
اذِر ارماد خاطر ما يحسدونج
ما يدرون بِسِمِج ..بس تحس الناس
بلساني لحن كامو يِسِمعونج
سدّيت الشفايف واللسان احتار
يصير اخرس اذا ما يكدر أيصونج
بس المشكلة عيوني التبوح اسرار
اغمضهن عمد عن لا يشوفونج
صح طبعي كتوم وآني كاظم غيظ
ومن كثر الكظم صارو يعرفونج
علمت الشمس تتغشى من تمشين
وبوكت الغروب تبّوِس امتونج
صبيت العسل عالشفة لليحجون
ومن حلو الحجي خلهم يَسَمَعُونج
يا تاج الذهب متعلي فوگ الراس
ومرصع زَمُرد باقي مِكنونج
يا دفتر عُمُر وسنيني بيه صفحات
عَشت بين الغلاف وصافي مضمونج

للشاعر كاظم ال مبارك الوائلي

[ديره ورد]

رررررروعه

[قصي الحسيني]

رؤؤؤؤؤؤؤؤؤؤؤؤؤؤؤؤعة

[رسـيل_^]

جمييييييييل جدا سلمت يداك

[علي الشمري]