الشاعر شاكر التميمي
امس جربتك ………,وجربتك اليوم
اعله طبعك باقي ابد ماشفت تغيير
اجيتك محترك ………. وبكل كتر نار
ونفط عالنار ….. شفت جفوفك اتدير؟
ازرعت دربي بسامير …… وتنخيت
بيه ……. وجيتك ازحف عالبسامير
بيرك …شح عليه ? ومن ردت ماي
حفرت عيوني الك … سويتهن بير
تعبت اشكثر وياك ……….. وتمنيت
حالك حال هاي ………الوادم اتصير
اني ادري …. جذب حجيك واجاريك ؟
واكلك صح ….. جنت من غير تفكير
اخلاقك والمبادىء ….. طلعت اوهام
وطلع حجيك …… خرافات واساطير
كيانك يرتعش ………….كدام الارقام
وضميرك يغفه …. من تحجي الدنانير
فزعت روحي الك….. من هدو اعليك
وزرعت عيوني يم بابك …….. نواطير
اتعض …. واتواضع … ولا تبقه مغرور
تره الدنيه ……….. محطات ومشاوير
اذا ابعينك الناس …. اتشوفهه ازغار
عيون الناس ……هم اشوفك ازغير
واذا عني انته تنشد … اني معروف
باصبعهه عليه الغانمه ……. اتشير
رماد اكبالي انته ……. ابهويه تنهار
اشوداك …. اتحرش …. بالأعاصير
بديه اكدر.. افرغك … واكدر امليك
لأن زود السواجي …… من النواعير
وكلشي ايجوز صح.. بس انته غلطان ؟
اذا اتضن الزواحف …….. ممكن اتطير
الحفر اسمه. اعله كصت الشمس نيشان
مو مثل…… الحفر اسمه …….. بطباشير
رد مع اقتباس
المشاركة الأصلية كتبت بواسطة NOonAa
