هنا

[علي الشمري]

سد عيونهم لو ردت يمي تصير
تره بعيوني توجد سالفة ملكه
ابن شيوخ انه وفشلان من سديت
بابي ورت اشوفك تكدر ادكه
علي يحجون ادري وهمه ما يدرون
العاجر ما تحس بمرورة الطلكه
مو ذنب السمه مرات لو هب ريح
ذنب جفوفنه للباب مطبكه
امد جفي واشوفك جاي من ابعيد
وتيبس ذكرياتي بلحضة الحركه
ما عابر نهر وابقه بجرف واتناك
عابر حسرتي ومناشك الشهكه
ضميتك عذر بس كون لو موجود
مي يحطنيي اشامت سالفه بحلكه
حنه ودمعتك والدنيه جانت ليل
ومن صوبك لصوبي توصل الصفكه
رديت الدرب بي جان الك خطوات
اضم منهن كلت بس يمك اشالكه
مو عيب الجرف لو يبتسم للماي
بس عيب النهر لو يطغه ويخنكه
باجر جيب جرحك لو علي رديت
ما اريدن عذر بي تجي واطلكه
العايش تره ابين الحيا والموت
ما يشتم ورد بس ريحة التفكه


للشاعر السيد محي الحمداني

[ضياء الصافي]

عاش ذوقك العالي
دمت ذواقاً

[علي الشمري]

عاشت ذوقك العالي
دمت ذواقاً

ممنون منك سيد
نورتني
شكرا