بيه حسرة …
شلون حسرة …..
من اذبنها اعلى ميت
ينهضم ويعوف كبرة ….
وبيه اااااااه شلون اه
تحرك اليابس والاخضر جنها جمره
وبيه غصت عتب جلمتها ثكيله
ومن اعاتب جبل من صوان اطشرة
اااه يحسرة …
مكسرة بين الضلوع شوكت تبرة …
وشوكت منها نتبرة …
وعازت المخنوك غبرة
عازته يشم الهوه …
وادري الهوه مشكوك بامرة
وانه من دون الخلك …
بعيوني اسولف …..
والنفس مكطوع وترة
انا صحراء الحجاز تضيك بيه
هم شفت مخوك ضاكت بيه صحرة ؟؟
يبست كلبي النوايب …
وشل دمي ….
وما بقه بشرياني كطرة .
ومن كثر ما عصرت الصدعات كلبي
صار صخرة ….
وخلصت كل السوالف
وشلت بين الشفايف
وظلت من سوالفي بس اه مرة
وبقت بين ضلوعي حسرة
لــــ قاسم الطائي‎‎