_ زاعلتك جذب حتى أطرد عيون .. لأن عين الشماته أتفلش بيوت
_ بجيت أنا بغيابك تعرف شلون .. مثل بجيت مشجع برشلوني
_ كلش مختنك بيناتنه العباس .. إذا تحجيلي نكته ايطيحن ادموعي
_ كدامك بشر مو صورة عالحيطان .. حاجيني من أكلك آني محتاجك
_ شمالك يافرح مدك عليه الباب .. شنهي أطراف جفك كلها متعورة
_ يا هو كلك بابي مفتوح لهواك .. و أنت تدري من الفقر ماعندي باب
_ شرط من أنحظن كون أكسر أضلوع .. وتشك أذن الشماته ضلوعي بالطكة
_ من كد ما صفنت بشفتك أسنين .. سألوني على أسمي جاوبت وردي
_ كلت خاف الحجي بالساني ياذيك .. بلعت اسيوف حتى أبلع كلامي
_ صفه هذا شعاري بهاي دنياي .. ( لا تتعب عليهم ما يفيدون )
_ أضحك مدري أبجي والله محتار .. إذا نفسه الغدرني يواسي بية
_ ما حاجة الأسف من أنصدم بالناس .. لأن مو صوج الأسف .. صوج إختياري
_ خوية الي ضربنه أبن مسؤول .. أمشي أنروح يم حيدر علي نشكيلة
_ أرد أسافر .. أرد أهاجر .. أرد أعاشر ناس ما تكسرلي خاطر
_ جنت أعبر كلشي منك .. هايه فدوة .. و ذيج يلا ... كافي لهنا وأنتحاسب .. آني بيني وبينك الله
رد مع اقتباس
المشاركة الأصلية كتبت بواسطة انمار*
