خطيه الكاع بعيون الفلاليح
خطيه الكاع بعيون الفلاليح
اعله بطن الغير فضوهه المحاصيل
كلبنه أعمارنه ورشّينه الأيام
وحرثنه ظهورنه بحجّة حماميل
ما يمشي الوكت مو حسبة عّتاب
عله الصيف شبدي ونعاتب الميل
أبّخت محشوم حسّينه المسافات
مثل بخت الزواجل بالمراسيل
ولا ذاك البخت ناسينه الحسين
نعرف حسين بس وكت الزناجيل
لتغرّك بواجي القال والقيل
تدور جيوبهم تضحك براميل
عله الغبشه شكثر تجّينه العيون
تره من الخوف نحتاج القناديل
ولاتلغي العقل وتكلّي ما خاف
بدون عقول وتخاف المخابيل
بعد شمّرة خلك وتثور الآثار
وره الحبوبي تمشي وي التماثيل
عله النّيته كبل يلغيهه الأشجار
وحار شلون يلغيهه العصافير
عله الوشّل الماي ورادهه تبور
عله الذب الكباحه اعله النواطير
حطّت عالنفط معذورة الطيور
زواف وجلّبت ما ترهم اطّير
خذت منهن عبر من حطّن صغار
اذا كبرن علينه شلون .شصّير؟
ماراوس بعد صفصافه بالتين
ولاخبز الشبيشه بخبز الشعير
وماأمن بعد توكفلي خوّان
مشّوهه اعله يوسف زّفة البير........ بلكي يعجبكم .؟
رد مع اقتباس
المشاركة الأصلية كتبت بواسطة عبس ابو سكنر
