الوطن
بشرارة شوك ابد لتواعد المجنون
سر ليله الوطن يم قيس لتبوحه
اذا مره اختنك وبصدره فاض الغيض
لتلوم الجبل من يشمر سفوحه
شغازل ياسجن كل البنات هناك
وساتر عالجمال حروفي متلوحه
وانت تريدني اكتب عالغزل والشوك
وانه الكعبه كلهه كبالي مذبوحه
وطن هذا وطن بيه الحزن فلاح
زرع دمع النثايه وخضر ملوحه
وطن هذا وطن خازن زلم بالكاع
وليهسه الجماجم تطرب النوحه
وطن هذا وطن زنجر بصدره الموت
ظل يكح زلم كلما نكت روحه
يغافي اعله الجرح طك الجروح وكوم
واروي بماي كصتك دورت اللوحه
حته السيف يعرك غيره عند السيف
من يزنجر يظل ياكل بروحه
تعال وياي نكسر ركبة التاريخ
خل نمسح صور بالبال مفضوحه
وشك زيج السمه خنفصلنه هدوم
خل نستر وطن بيبانه مفتوحه
وطن كله جرح بالغزل مايلتام
بس دم الشهاده تضمد جروحه
منقوووووله
رد مع اقتباس
المشاركة الأصلية كتبت بواسطة أوراق شاعر
