عميه عيون كَلبك . . .
عميه عيون كَلبك مدري ماكو عيون
مــــدري عيون عندك وانته تتكبر
مدري شلون بيه ومدري بيك شلون
مدري تحبني انته ومدري اتصور
جبتهه اوياك حيره ودخت بيك اهواي
لغز حبك احسه وصعب يتفسر
مره بعيد بابك مره يمي الباب
مره الباب ادكَه الخشب يتحجر
مره تشيل همي ومره مني اتشيل
ومُره اوياك صارت بعد ما اكَدر
علم اطباعي جانت نزل باس الكَاع
من حسيت حبك بالكَلب يكبر
يصغر يالمحب من تظل هيج اوياي
وانزل علم ثاني الشخصك اتعذر
انه الداويت جرحك وادري بيدك موس
ومنك ماخفت لا جنت مــــا احذر
ما احذر لان بيه انه كومه جروح
ومن اتشوف كَلبي اتدوخ بالمنظر
تلكَه جروح ميته وكَلبي سوه كَبور
وبكل كَبر تلكَه جروووووووح تتدثر
وتلكَه اهناك جرحك وتلكَه حفره اهناك
تدفن انته جرحك لـــــو ادز حيدر
منقول
رد مع اقتباس
المشاركة الأصلية كتبت بواسطة أوراق شاعر
