اسم الله لاتفز مو نايم وكعدوك
مثل النخل شامخ من طحت ع الكاع
وجنت مثل الاسد ماخفت من الموت
تضحك للشهادة وبيك حلوة اطباع
يعرفونك جبل مو سهلة من تنهار
وخنازير الدواعش بالعجل تنصاع
تغص الكاع خوف بدكة البسطال
أو لودكيت رجلك تنكلب الاوضاع
ومن تصعد الغيرة وتنتخي بعباس
ياكون اليردك تلوي كل ذراع
غدر بسبايكر ماعشو الباعوك
وانتة بأي ثمن ماتنشرة وتنباع
انتة ابن العراق الشايل اسم حسين
وثارك مانعوفة ودمه ابد ماضاع
أخوة زينب احنه وغيرة العباس
وقمر هاشم يبين كل وكت مطلاع
ابوفاضل فزع وتعنة هذا اليوم
يحركهم حرك واخبارهم تنذاع
داعش والي جابة ابن الزنة الوياة
أهم شلة حثالة وسمسره وجياع
تكفيري ونكس لتكلي دولة اسلام
حرام ادكلة مسلم مثل هيج انواع
سماسرة الدواعش تمشي بين الناس
ودم سبايكر ماناشف الهل ساع
كلوب الامهات اتنادي ها الاولاد
وينه العدل منكم هم شبع لو جاع
صوتك هم وصل وايدك تدك الباب
ها يبني اجيت وكبل اخوك اسراع
أمتوج بالعلم واسم البطل مكتوب
عريس الشهادة مايريد اوداع
الحشد الشعبي اخوتي وثاري ابد ماضاع
وكل واحد بعشرة من اجة فزاع
وسرايا من السلام ويومها الموعود
اتقدم جيشنا وسباع ولد اسباع
ترى جدهم علي الكرار ابو الحسنين
وعلي بحر العلم والقوة والابداع
وحسين السفينة للنجاة اليوم
واحنه اعراقنه الهاي السفينة شراع
وحق ام اللبنين وزينب الحوراء
وحق الزهرة يمي ونورها الشعشاع
ماتبقى الدواعش بالعراق اتجول
ومنتضرين ولدج ساعة الاقلاع
اخر يوم يبقى الداعش الملعون
من الموصل نطرده وتنتهي الاوضاع
صبرنه وبعد كافي طفح بينه الكيل
وصل حدك يداعش وانتهى المصراع
ال سعود هلوس صار بية اخبال
من اسم العراقي خربط المذياع
سمع تكريت ردت والنصر مبخوت
بتحرير المدن والخبر طش وشاع
الف مبروك نصرك ياعراق الخير
ورد الفرح نصرك للوطن وانذاع
رد مع اقتباس
