باسم الكربلائي بعنوان ازور سيدي mp3 قصائد 2015
كيف الحال أحبتي ان شاء الله تعالى في تمام الصحة والعافية
معنا اليوم قصيدة جديدة ورائعة للرادود الحاج
باسم الكربلائي بعنوان ازور سيدي
كلمات القصيدة للشاعر كرار حيدر الخفاجي
ازور سيدي ومولاي ليلة الجمعة
ادري الزجيه تزور وياي ليلة الجمعة
رب العزة بالطف زاحم املاكه
طواف الجمعة بالطف فارض هناكه
كبر حسين جنة ويصعب ادراكه
تسوه الدنيا لزمة باب شباكه
تدري خادم بالصحن جاي يخدم البضعة
ادري الزجيه تزور وياي ليلة الجمعة
باب القبلة تسجد روحي معتاده
عبد والعبد يحني بحظرة اسياده
اجه اصرافيل للطف يطلب مراده
فطرس بالصحن مد جنحه سجاده
ويكول تربة كربلاء دواي للحبيب اسعه
وادري الزجيه تزور وياي ليلة الجمعة
نزل رضوان للطف مختنك صدره
يفك باب الحسين وتدخل الزهرة
ميكائيل يكنس شفته بالحظره
دعه امن يجيب وانكشف ضره
واكف على الباب ويصب ماي ناذر يوزعه
وادري الزجيه تزور وياي ليلة الجمعة
قبر حسين والراعي العلم قصده
على عتبتهم اقره ايات السجده
ما خاب السعى والهم يمد يده
بين الحرمين شمحلا هل كعدة
حسدك الدنيا بكعدتك هاي منزله ورفعه
وادري الزجيه تزور وياي ليلة الجمعة
شمحلا العمر في كربلاء يكضي
كل مارفت الرايه يدك نبضي
بالصحن الحسيني تأدية فرضي
اذا بالطف اموتن يا كبر حظي
يحسين اسولف ظيم دنياي مشتكى يسمعة
وادري الزجيه تزور وياي ليلة الجمعة
ليلة جمعة واشواق القلب تحدي
باب حسين واكف وكفة مجدي
دعاء الفرج اقرء دمعتي بخدي
عسى بكل ولي يرجع المهدي
ياربي طالت غيبته هواي عجل الطلعه
وادري الزجيه تزور وياي ليلة الجمعة
للتحميل برابط مباشر من هنا http://cdn.top4top.net/d_b4f12f46951.mp3
يوتيوب
رد مع اقتباس
المشاركة الأصلية كتبت بواسطة حروف الصمت
