مرحباً شباب وبنات : تعالو خلي نلعب لعبة حلوة بس بيهة شوية جذب لأن اليوم (1 / نيسان) يعني اليوم العالمي لكذبة نيسان .
لعبتنا اسمها (حكومة درر العراق الافتراضية)
كل عضو خلي يتخيل نفسه صار رئيس وزراء (اخوان حطو كم عمود احتياطي لأن رح يوكع سكف المنتدى من الجذب اللي جاي أجذبه هههههههههه) المهم نكمل : انت فزت وصرت رئيس وزراء لازم تختار أشخاص حتى يصيرون وزراء بحكومتك اللي رح تشكلها فمنو رح تختار ليشغلون الوزارات في حكومتك ؟
وأكيد من حق المرأة تشارك في العمل السياسي وتصير رئيسة وزراء أو وزيرة (بس أهم شي الكفاءة مو تسووها كوتة وتخربون السالفة مثل ما صاير بالعراق العظيم ههههههههههههههه)
اذاً منو من الأعضاء تختارون للمناصب التالية :
طبعاً مو الّا تختارون كل الوزارات ، يكفي 5 واللي يريد أكثر فبعد أحسن ، خليت هواية وزارات حتى تصير عدكم حرية بالاختيار .
-1- نائب رئيس الوزراء . (نائب واحد بس مو تصيرون مثل جماعتنة كل رئيس عنده خمسين نائب ههههههههه)
-2- وزارة الدفاع (بالله اختارو فد واحد يفتهم بأمور الجيش مو تجيبون واحد جان يلعب دعابل بالشارع وهسة صار وزير دفاع هههههه)
-3- وزارة الداخلية (جيبولنة واحد مضبوط يفهم بسوالف الأمن والمخابرات ههههههه)
-4- وزارة الخارجية (رحمة على موتاكم شوفولنة فد واحد بيه حظ يعرف يحجي عدل كدام الدول مو تفضحونا ههههههه)
-5- وزارة النفط (بس مو تجيبون أبو العربانة وتخلوه وزير ههههههه)
-6- وزارة المالية (هنا أهم شي اللي تختاروه لازم خوش ولد أو خوش بنية مو خمّاط درجة أولى ينكر ميزانية الشعب ويعلك بيهة على برة هههههههههههههه)
-7- وزارة التخطيط (بوية جيبولنة واحد يفتهم شغله منظم حتى يمشي الدولة عدل ههههههههه)
-8- وزارة العدل (هاي ينرادلهة خريجة أو خريج قانون ويفتهم زين حتى ميخربط الدولة ويخلي قانون بيه خير مو مثل هسة صايرة خريط هههههههههه)
-9- وزارة الصحة (عيوني أنتم اختارو طبيب أو طبيبة وكون يفتهمون حتى ميستورد أدوية فاسدة مثل سالفتنا ههههههههههه)
-10- وزارة التجارة (ينراد خوش زلمة تاجر ابن أوادم حتى يستورد بضاعة زينة ما مغشوشة ويراعي الناس بتوزيع الحصة التموينية ههههههههههههه)
-11- وزارة الشباب والرياضة (بوية احنة الشباب سواء الولد أو البنات ترة أرواحنة طااااكة ياريت لو يجي وزير يهتم بينة ويعيد مراكز الترفيه عن الشباب "طبعاً بحدود المعقول" ويستغل طاقاتنا ومواهبنا اللي موتوها الجماعة هههههههههه)
-12- وزارة الزراعة والموارد المائية (اختارو مهندس زراعي يفتهم بهيج سوالف حتى يرجع زراعتنا وما نستورد مخضر من دول برة مو تدمرنا وكاعنا بارت وصارت كلها ملح ههههههههههه)
-13- وزارة الصناعة (أغاتي ما دام احنة بلد نفطي وعدنة زراعة يعني لازم نجيب وزير بيه خير حتى يستغلهن كمواد أولية للصناعة ونصير بلد زراعي صناعي "يعني بلد متكامل" لتخربونا مثل ما سوو الجماعة ههههههههههههه)
-14- وزارة التربية والتعليم (خوية علكيفكم وية الطلاب ترة هذولة مساكين لا تتعبوهم بالسادس نجحوهم لترسبون أحد هههههههههههه)
-15- وأخيراً وزارة التعليم العالي والبحث العلمي (أهم شي هاي ، جيبو وزير يغلس شوية على الزي الموحد ويساعد الطلبة بتوفير طرق التعليم الحديثة ، وأهم شي يهتم بحفلات التخرج مال الكليات ومينسى يسوي مهرجانات ترفيهية حتى يتونس الطالب ويحب الدراسة ، مو مثل جامعة النهرين عبالك معسكر مو جامعة هههههههههههههه)
..ما خليت وزارة حقوق الانسان لأن أهل حقوق الانسان أساس المصايب بالعراق ، يتركون المظلومين ويدافعون عن المجرمين ههههههه..
_وأهم شي لا تنسون الوزير اللي تختاروه لازم نزيه ويفتهم بشغله مو تجيبوه على أساس الواسطات مثل الجماعة ههههههههههه)_
رجاءاً لحد ينسى الرد على الموضوع ترة والله تعبت بالموضوع وما خمطته من أحد فردو عليه وشجعوني ههههههههه
رد مع اقتباس
المشاركة الأصلية كتبت بواسطة يحجي الحق
