قصيـده گـلب للبيـع
كلب عندي الندا منه الترافه البي
واليريد الورد نوبات يشتمه
مثل النجم صاير عيشتي على اليل
لوتطلع شمس جم مكبره تلمه
يادفان روحي شعطلك ماجيت
من وادعت روحي الماخذالبسمه
صحيح توادعت بس جان ملج الموت
يسلت بالنفاس الشايطه الجدمه
اوصيك علئ گـلب اكتب گـلب للبيع
ماريدگـلب ماياخذ الجلمه
ماطول الخشب يكره صدى المنشار
وماطول الرجيج معـاند الهمه
ماروحن واطخ هامي الهوه النجمه
وين الكه الفرح واني بحلك يعكوب
بيبان الحزن كل يوم متشرعه
ماريد اليحبني انطيني يوم ارتاح
ترا البردان يقنع من دفو الشمعه
كرهت المكبره جي دافنه الزينين
مخلصه النذال بكل وكت ترعـه
ليش تعوفني والغصه غلطة ريج
الماي شكد ترف يتعايز يبلعه
ماضل حلك شامت مانشدني عليك
وتسكت بالحجي وتجاوب الدمعه
سايرت الحزن من راسي شاب اوشاب
واعرف كل مثكله بياوكت تنعه
عشكت الماخذك خلاني انام اليل
لان من جنت يمي النوم ما جرعه
رد مع اقتباس
المشاركة الأصلية كتبت بواسطة sawsanmahmoud
