شوصف بيك گلي بيا كتر تنشاف
وإذا صدگ أوصفك يمكن أتخبل
يمكن أنت يوسف وأحله منه هواي
جمالك مشكله وكلش صعب تنحل
ضعت مابين أحبك لو أوصف البيك
تهت وعيوني ما ظنها بعد تندل
بعيونك بحر واسراره تدري هواي
بجرف شاطيه غرگن سفن بالأكمل
شجاني تورطت وياك گلي شلون
منصير اگبال عينك ابگه اتململ
بيك بلا غرور الناس كلها تصيح
جمالك قمه والحلوين بالأسفل
كل محتل لرضنه نقاومه بسلاح
بس يمك تذوب الأسلحه وتنذل
ورد الجوري دنگ خجل من مريت
لأن عطرك سحر كل ساعه يتبدل
ردت أقفل عيوني وما أشوفك يوم
لنها تصــــــــيح بيه بيمن أتكحل
ياسلوة حياتي والزمن والروح
حتى الموت لو منك يجي أقبل
منقول
رد مع اقتباس
المشاركة الأصلية كتبت بواسطة كبرياء مراهقه
