مساجله دارميات ,غربيل , دارميات , اجمل الدارميات , مساجلة غربيل الاصحاب
مساجله راقت لي فأحببت ان انقلها لكم ارجو ان تنال رضاكم
موضوع المساجله هي ( غربيل الاصحاب )
غربلت بالكلفات ياخـــــــــــــويه يحسين
صاحب وفه من اختار ماصاحب الشين
لـــ اسامه الزلزلي
ﻻشخل ﻻغربيل ﻻسولف بهاي
جربت كل لناس محد وفه وياي
لـــ مجهول
غربلت ماخليت لاتنشد ابهاي
صارو مثل لناس كل المشه اوياي
لـــ امير السيباوي
جرّبت بلغربيل صحبان اليّه --
تاليها الغربيل يضحك عليّه
لـــ كريم العكيلي
كلهم البل عربيل شو طاحو بساع
بس انتة ماموجود من وصلو الكاع
لـــ ابراهيم كريم
هز بيه ليله ويوم وانه بمچاني
هزيته طاح بساع ما ظل ثواني
لـــ سعد كاظم ثجيل
هزيت انه الغربيل بيديه الاثنين
وبهزتي طاحت ناس شايله بالعين
لـــ ابو ذكريات
ما أنخل بغربيــل انخل بماعون
مو ربعــي كلهه اعزاز خايف يطيحون
لـــ بركات
ضاع العمر حسرات ماصاحبت زين
طاحو من الغربيل رفكان السنين
لـــ الصقر العامري
غربلت انه اليوم كل ربعي ماصاح...
حته الرضع وياي خر منه اوطاح
لــ ابو رعد الديواني
غربلنه وكت العوز مو مره مرات
مابينه واحد طاح ضحكله شمات
لـــ صباح البديري
ما حاجة احط غربيل وتعب وعبية
كلهم صفو بالكاع بس لو لحت بية
لــ ابو محمد الدريعي
حطوني بالغربيل هزوني بالايد
هزوني ماطحتيش عابني صنديد
لــ عمار الركابي
مـاراح اهـز غـربيل خايف اهزه
من عنده راح يطيح وين الأعزه
لــ حيدر العكيلي
اشكد اكره الغربيل ما ودي اهزه....
خسرني حتى الزين والجنت اعزه
لــ سيد هاشم الهاشمي
بالك تهز غربيل وبوسطه محبوب
خافنه ويـه الطاح شيرجعه النوب
لــ حيدر العكيلي
حطيته بالغربيل كـلـمـن گلت زين
غربيلي ما مزروف چا طاحوا منين؟
لــ سعد كاظم ثجيل
لاتـكـرب الـغـربيل بالـك تهزه
صدكني راح يطيح وين التعزه
لــ حيدر العكيلي
جربت بالغربيل غربلت اخوتي
حتى البقه اوماطاح ناوي اعله موتي
لــ ابو علي الجابري
مامش بعد غربيل يسوة ونهز بيه
ياهو انحطة يطيح من عدة تاليه
لـــ علي عباس العكيلي
ما عايز الغربيل هزات اليدين
بهذا الوكت عالصوت يسرب ازين
لـــ محمد البديري
ابشدة طحين العوز غربلت الاثكال
غربلت محد طاح لن كلهم انخال
لـــ مجهول
ماتعب اني الايد ثق مايوافون ---
ارسم رسم غربيل كلهم يطيحون
لــــ جلال عبد الحسن
ما غربل الصحبان خلهم يئمنون -----
بالصيحه مافزعوش بالغربله شلون
لـــ جلال عبد الحسن
الخشن بالغربيل والناعم يطيح
بالشده كلها اتبان من حيهم اتصيح
لــــ ابو علاء الفضلي
اني امنهز غربيل ماغمض العيون
لن ادري بالخوان كلهم يطيحون
لــ الشيخ ابو كطره العامري
جيراني والصحبان واخواني كلهم
كلهم صفو بالكاع من غربلتهم
لـــ رزاق طاهر الناجي
خلو يهز لليل غربيله بيه
وياه اهز لو راد بثنين اديه
لـــ ابو ذكريات
كظيت انه الغربيل وماودي اهزه
خسرني ناس هواي وين الاعزه
لــــ احمد التميمي
كض منخلك بالضيج كل ساعه فره
منهو اليضل وياك منهو ''''اليشمره
لـــ سعد الوائلي
غربلت مو بطران بس عله بيه
الوفي من الچذاب تاهت عليه
لــــ احمد حسين عبد الزهره
ربيلي ناعم حيل بس حركتهم -
شو ربعي طاحو ليش ماغربلتهم
لـــ داخل الجحيشي
لا تتهم الغربيل ع الوكع منه
يطفر ويرجع ليه لو بي محنه
لــــ جاسم المحنا
يا ﻻزم الغربيل وتغربل أصحاب
مغربل انته ودوم صافي من التراب
لــــ مجهول
ماحاجه ابد غربيل كلهم صفو ماي
بلشده ما ضلوش حته اخوتي وياي
لــــ احمد شهيب
ماهز ابد غربيل لا تعب المتون
اليرحل الله وياه واليبقى مصيون
لــــ عمار الصبيحاوي
هزاني بلغربيل وخل يجمع الكون
اتعبهم وماطيح فنهم يكدرون
لـــ علي الصيادي
غربلت انه هواي حد كطع الانفاس
مجلب صديجي وصاح وياك اهز ناس
لـــ ناصر حسن
ماغربل بغربيل بعيوني مقياس
من نظره وحده العين تفرزن الناس
لـــ علي صالح الفدعم
غربلت ربعي بريح شوطاروا ابساع
بس التكرهه الروح ظلالي بالگاع
لـــ ابو باقر الصالحي
طاح وكع من طاح غربلته هم طاح
ابن امي بس شينات عذبني ياصاح
لـــ مصطفى الموسوي
الخوه للعبــــــــــــاس وشهوده الزنود
ماحاجه للغربيل روحو انشدو الجود
لـــ طالب الشبرم
رد مع اقتباس
المشاركة الأصلية كتبت بواسطة رغد العراقية
