سـافرت بجفـن نعسـان
بشـوارع نـاس متـروسـة
وجـوامـع فـارغـة مـن النـاس
وعـاشـرت الحـزن عمـريـن
حـرمة بشـارب العبـاس
ادور عـن بخـت مبيـوگ
مـن گصـة انحنـت للگاع
وادور عـن عمـر مبيـوگ
بـحر غصبـآ علـة الـروج لاﭼـن ماعليـة شـراع
الـوكـت يمشـي مشـي السـكران تـالي اليـل
وعلـه رمشـي تـلاگـه المـاردت مـلگـاه
نحـيل وراح منـي الحيـل
وانـة بيـاحـال
والـوادم تجـذب العيـن
وتصـدگ الـحجـي الينـگال
يـم الله تحـب حســين
واتـرد تعبـد التمثـال
وذنـوبـي امـس بالبيـر
بـس بـاﭼـر گحطهـم جـاي واويـاهـم تلمنـي دروب
صـافـن مـادره يعگـوب
شـايـلي جـرح ملـﭼـوم وانـه اضحـك
ويـگلبـي الـﭼـان تنصـح بيـك مـولله
وانـت مصـدك ينصـحك
ولاتشـكي الجـرح يـم نـاس مايـسوون
محـد يفتهـم جـرحـك
عـدي عيـون شـافـن بس اديـه گصـار
وعـدي امتـون شـالـن كـل حمـل مطـروح لاﭼـن مـايشـيلن عـار
وعـدي جـروح ﭼـنهـة خيـام ومشـامـر حـﭼـهم نـار
ويـاروحـي العگـل شيفيـد وي العگـول كلهه زغـار
الگـلب اتـعود عله الاه اذا كلسـاع يشـرب هـم
واذا مـاابـات والحسـره عله حضنـي تبـات مـاارتـاح
مثـل الگـاع لازم تنغسـل بالـدم
اريـدن نـاس تفتحـلي الـف ديـوان
واذا رايـد اعـاتبـهه
وزلـم عـدنـه عله الكـلفـات مـارفـت شـواربـهه
طبـع بينـه الغـلط مـوجود
العـين تشـوف عيـب النـاس
لاﭼـن مـاتشـوف عيـوب صـاحبـهه
والخـايـن ضميـره ايعيـش
بـس لازم تسـتره هـدوم
والـگلبـه نضـيف ايـمـوت
هـاي النـاس رفـگـة يـوم..
رد مع اقتباس
المشاركة الأصلية كتبت بواسطة أغرد بهمس
