بسكوت القلوب بالموكا
المقادير:
100 جم سمنة بلدي او 125 جم زبدة
125 سكر بودرة
بيضة
250جم دقيق
100جم شيكولاتة مبشورة
1 ملعقة بيكنج بودر
1 ملعقة اسبريسو
فانيلا
رشة ملح
الطريقة:
يخلط السكر البودرة مع السمن جيدا، ثم تضاف البيضة والفانيلا ويقلب الخليط جيدا.
ثم يضاف الاسبريسو ورشة الملح ويقلب، ثم يضاف الدقيق ويقلب الخليط حتى تتجانس المكونات.
ثم تضاف الشيكولاتة المبشورة ويقلب العجين.
تفرد العجينة على سطح مرشوش بالدقيق، ثم تقطع بقطاعات القلوب، وترص في صينية مبطنة بورق الزبدة.
تدخل الفرن على درجة 180 حتى النضج ( من 12 الي 15 دقيقة )
تترك لتبرد تماما ، ثم تزين باشكال القلوب من عجينة السكر.
طريقة عمل عجينة السكر ( الفوندان )المقادير /
كوب ونصف سكر ناعم جدا ومنخول جيدا ممكن يزيد او يقل حسب حاجة العجين
ملعقة صغيرة جيلاتين بودرة
ملعقة صغير ماء
ملعقة صغيرة عسل ابيض او عسل جلوكوز
ملعقة صغيرة زيت
رشة ملح
ملعقة صغيرة فانيليا سائلة
الوان حسب الرغبة
زيت للعجن
الطريقة /
اول خطوة بندوب الجيلاتين فى حمام مياة على النار وبنضيف معاه العسل والماء والزيت ونسيبهم لحد ما الجيلاتين يدوب وبعد ما يدوب بنضيف السكر فوق الخليط ونضيف معاه الملح والفانيليا ونقلب كويس اوى وبعد كدة بنضيف باقى السكر بالتدريج لحد ما نحصل على القوام المناسب
تانى خطوة بنمسح ايدينا بالزيت ونحط العجينة على سطح املس مرشوش سكر بودرة ونعجنها بايدينا كويس اوى لمدة اربع دقايق على الاقل لو لقيناها لسه مفرولة بنضيف زيت بالتدريج ونكمل عجن لحد ما نوصل للقوام المطلوب وهو عجينة ناعمة متماسكة قابلة للفرد والتشكيل
ممكن نلونها حسب الرغبة لو الوان بودرة بنحط اللون على نقطة مياة قبل ما بنضيفه للعجينة لو الوان جل او سائلة بنستخدمها مباشرة من غير مياة
بنحفظها فى كيس نايلون مغلق او علبة محكمة الغلق
العجينة بتحفظ فى دولاب المطبخ مش جوه الثلاجة وبتقعد لفترة طويلة
عند الاستخدام تعجن مرة اخرى باليد حتى تطرى او توضع بالميكروويف ومن الممكن اضافة القليل من الزيت لو لقيناها فرولت وتستخدم
بالهنا والشفا :)
رد مع اقتباس
المشاركة الأصلية كتبت بواسطة 3laa
