شما أسرج مهرتي وارد اغير عليك
شما أسرج مهرتي وارد اغير عليك
سناف المستحه بساك المهر تنحط
وصد عنك وأكول البشر مو معصوم
هم ترجع وأشوفك عن قصد تغلط
لذلك كمت أحطلك بعد مامليت
خط أحمر ونصحك لا تعدي الخط
ما أشوفك مكمط حته أكول أزغير
لكن مشتهيهه تريد تتكمط
بيوت الشعر عندي من الاجل خدام
بكيفي بمشتهاي عليهن أتشرط
وانه أدريبك مهر محصار بالتبذير
مو مالت مسابق باللكد تفحط
أنه المذبوح شعرا ما الي تيار
أيدك لا تحطهه بدمي تتورط
معتي وما امد رجلي ع كد أغطاي
ع فراش المهد أتماده وتمغط
موش السان شايل غيمه من تيزاب
دورلك ذره من الساني لو نكط
انه من انفشخ جومة قوافي اطيح
تجي امثالك تمد السانهه وتلعط
ع مضمار الشعر هديت الف شيطان
غير الماحسبته وغير المربط
أنه لمبدل اجفوفي بمخالب ذيب
لطرد كل خطايه هيج ابطهن بط
واحسبك خارج ع شعر من اهجيك
واصيرا سيف فوكك حاد ومسلط
ومثل ما بالخوارج يفتك الفقار
وعلي لوما علي جا صرت أشد وابشط
أيا عبد الشعر و الشعر شط كفران
وانه الروج الكفخ بيك ولط
بما أن الشعر شط وانه روج البيه
وبما أنك عبد تريض يروج الشط
وعله متونك شلتني شمالك توازيت
يمسكين الجبال ع المتن تنحط
برموده الشعر تعبرني مو معقول
الطاير جاذبيته جنحه وغط
ع متون القوافي تنام حوريات
ونه يمهن فحل وابنصهن أتلعبط
لمن هب ودب ما أشغل التفكير
وخصوصاً بالي مثلك ما أفكر قط
شعر خد المنصه وعصيت الخيط
ضم روحك أجيتك والقلم خط
م
رد مع اقتباس
