ما أعتب
أنه سنين الجزن ما عاتبتهن دوم
وسنين اليجن مدري بنواياهــن
لا أمن وگولن عگبن الصعبـات
وعلى ايام اليجني تعيش ما راهن
ولا أذعن وسلم من يصير زماط
وكلفات الوكت يطني مگفاهــن
عشت عالي الوكر وجناحي ما مكسور
وسيوف الصبر يطربني مـلـﮕاهن
أرتاچ اعله رمحي وما أگولن آخ
وهموم الزمان مشابچ وياهــن
أطوي أيام حزني ولا أريدن يوم
چويات الشماته اعليه يتباهــن
انه بشاطي الشعر وأتصيد الحلوات
وعذبات القوافي اندل زواياهـن
ماﮔلك معري ولا ابو النــواس
قلــــــــم عندي ابد مايعرف يداهن
فصلت اعل ﮔدي وماكو بيهن عـــوز
الشافوهن علي ﮔالولـــــــي محلاهن
اتمنه الثريه وعندي ميت جنــــــاح
ونجمات الصبح جدمي اعله ممشاهن
أرد المنكره بلسان ما مثلـــوم
وسايات الصديج بساعتي أنساهن
وأدور عالرفاگه العدهم الطيبــات
وأسرار الزمان بگلبي ملفـــاهن
دوم أنشد واعاتب موش ياهو الچـان
اعل چلمات الانصاف الصبحن ماهـن
منقول
رد مع اقتباس
المشاركة الأصلية كتبت بواسطة حروف الصمت
