مرجوحه القلب
مرجوحه الگــلــــب فصـــلته بـس عليك
نعســان عله متنه ينـــــام ضيم شگد
حملته الفــــــــــــــرح وندفع ويه الريح
ساحــرني النســـــيم العـــــذبنه الخد
من گد ماترف وتخـــــــاف روحي عليه
حـــــوطته بسياج الشوگ حـــد للحد
دليتك طريق المــــــــــــــا تمر بي ناس
محضوره عله غيري وشوفتك تنسد
شكيت بخيـــــــــــــــالك مره عاين ليك
ســافرنه بطريق بلا شمس تولــــــد
احس وكت السوالف يهد حيلي الصوت
اذا بتهوفن بصــــــــوتك طريقه نهد
كلما تفترك كـــــــــــل راسي بيك يدور
راسي يدور بيك تصـــــــور المشهد
رحيق الورد مايــــــــگدر يلوح الگاع
ياورد التبـــــــدي وفوگ حنچك سد
احس مرات اجامـــــــــل بالشعر للغير
فهل بلوان عينــــــــــك جاملت احد
لا بس بالشــــعر موضع زحاف يصير
اذا يزحف بوصـــــفك بعد ما اصعد
عله متونك بنــــــــــت كل البلابل بيت
اسود فوگ متنـــــك بالضـحك ينهد
بيت من الحـــــــرير واطول من الدور
ياهو اليگــــــــدر ابيت المتن يگعد
ينجر الحچي بحضـــن المخده اسراب
لاكن فن حرف في حضــــرتك ينعد
دليت الگلب بيــــــــك اعترف ندمان
عنك بالندم ندمــــــــــــان بيك لحد
يا شعر الاكتبـــه وطاري غيرك بي
يعني الشاعريــــــــــه تريد تتجدد
منقول
رد مع اقتباس