قطعة فنية رائعة يضيفها شاعر ملوحة السماوة المبدع عدنان البركي إلى ابداعاته : القصيدة تتكلم عن صفاء الحب الممزوج بالشرف والغيرة والوطن ، لان الوطن يعني الحب والشرف والغيرة .
الحب المقدس
احبك .. حب مقدس بي رضا الرحمن
مو مثل البعض من يحب عن غاية
ومن كد ما احبك خـفـت حيل اعليـــك
علك شديت الك يم صاحب الراية
داريت الك ، هواي الــك داريــت
بكعبت تضحياتي اطوف الاهواية
صحت مرة العطش وانة اعلى عازت شوف
شلت فص عيني كلة اووشلت ماية !
اعلى ثايات الوطن وقعت صك الموت
وانت ويالوطن دكيت الك ثاية
احݘاية انطيت الك للموت اظل اهواك
وتعرف بالعراق اشتعني الاحݘاية
طبع بية الوفا امن وحيل ارتاح
بالع من وفى العباس حـبـاية
يالشلتك بدية و كلت خاف اطيح
وضميتك بعقلي .. بمنطقة رايـة
ولهذا من افكر يعني افكر بيك
يا حسبات راسي الرايحة وجاية
يا اعذب جرح غيرت بية اهواي
تدري انت وتجاهل ما الك ادراية
كابلت المراية وما شفت انسـان
وبجت من شاهدتني عيون المراية
تعودت اعلى طولك والرهاوة البيك
اعل اثر خطوات جدمك روحي مشاية
اذا مر يوم واحد ما اشوفك بي
عليك انصب عزى بميتين ملاية
يا لحظة خجل دنكت من مريت
وعزف كلبي صبا ولاسا يون ناية
وعيني الما بجت بس بشهر عاشور
هسى بكـل وكته اعـليك بجايـة
تحملت اعلى مودك حجي ايشيب الراس
وهرج سويت مني بنص الولاية
العشك ما بي حرام البشر لعبوا بي
قران العشك والشرف بي آية
وعشكتك عن شرف لولا الشرف ما جيت
شريف ويمنتي اعلى الشرف حماية
هواية الرخصتلي بطبتي اعلى السوك
الكل صاحت تفضل واخذ الاكفاية
همس بذني ضميري وصاح لا هيهات
يامن للمكارم تعتني اعناية
رد مع اقتباس
