هنا

[ام روان]

حبيبتي المايريدني ربح مااريده خساره...لا تعبين نفسج اهتمي بمستقبلج العراقي مو مال حب

[جنى]

اني هسة حيل ضايجة طاكة روحي لان الشخص الي احبة ميحبني وكلي اني ما احس اي شي تجاهك اني كنت اتكلم وياة بالموبايل وكلي بعد لاتتصلين وصارلي 51 يوم ما متصلة واعتقد انه هوا كايل لأمة انهوا اني اتصل بي واجت كدام امي كالتلي اهتمي بدراستك لا تفكرين بالزواج اريد اموت والله العظيم اتمنة اني اموت علمودة سويت المستحيل وجمالة فوك هذا كولة يكلي اني مشايفج هوا ابن خال ابوي وعلاقتنة مو كلش قوية بيهم واني اعرف ابوي وامي ميرضون ينطوني الة واهلة هم ميردوني لان ابوي عصبي بس ما اقدر اعوفة شسوي راح اتخبل من التفكير ارجوكم قولولي

يبوووووو كل هاااذ وانتي راح تتخبلين من التفكير

يمعوودة كوولي غيرها ...هوة الولد مو شايفج لانه يقصد YOU ARE NOTHING
ابتعدي عنه وانتي ترتاحين ,,
واهتمي بدراستك مثل ما يقولون لك

[ابابيل]

هذا الكلام موجه لبقية الاعضاء
الانسان من يحب تتغير عنده القوانين
فنصائحكم بخصوص لو منج اكتل روحي وين كبريائج ليش تذلين روحج هاي كله ما توكل خبز اصلا يمر على هل الكلمات مرور الكرام
هو ما ينظر لهذه الامور ذله ومنقصه بل بالعكس ينظر اله تضحيه وشجاعه و و و
وله على كلامكم لا اشتهر قيس ولا عنتره ولا جميل ولا شكسبير ولا كل العشاق الي عرفهم الزمن مع ان اغلبهم يحبون من طرف واحد خاصه كانوا بزمن التواصل مع المحبوب ضعيف ويجوز اصلا شاف المحبوب مرة وحده بحياته من جان يعطس وراها والتفت اله وشافه او هيك شي
واذا انتبهتو لنصيحتي ما وصفته بهذه الاوصاف لان مو صحيحه وتقهر المتلقي
عموما ما راح تفهمون كلامي اله من تحبون ويجي شخص ينصحكم بهيج نصائح ذيج الساعه راح تعرفون شنو اقصد

كلامك منطقي جدا هاني الايده بالنار مو مثل الايده بالمي .. ليش هي متعرف شنو التصرف الصح والانفع الها وتعرف انه الدراسة هي الاهم وتعرف نفسها بموقف من الذل والحيرة والملامة لكن هي تريد احد يتفهم ويحس بيها وينطيها الحل شلون تتصرف او حل تعدي الازمة .. والاعضاء يحجون من احاسيسهم الحالية دون تجارب ومعانات مشابهة

[رياض اللواتي]

و الله الحب ماهو بالقوة..و الاستجداء..اكملي دراستك و حتى لو حبك هو ..الاهل مانهم موافقييييين...مشكلة و الحل بيديك ايتها الانثى الحائرة

[زمرد الشمري]

اني قريت عنوان الموضوع وعبالي شعر فطفرتة بعدين انتبهت ... المهم اذا هو ميريدج عوفي

[Hani Yaqoub]

كلامك منطقي جدا هاني الايده بالنار مو مثل الايده بالمي .. ليش هي متعرف شنو التصرف الصح والانفع الها وتعرف انه الدراسة هي الاهم وتعرف نفسها بموقف من الذل والحيرة والملامة لكن هي تريد احد يتفهم ويحس بيها وينطيها الحل شلون تتصرف او حل تعدي الازمة .. والاعضاء يحجون من احاسيسهم الحالية دون تجارب ومعانات مشابهة

اي صديقي المشكله كان عندي شعر او خاطره يتكلم عن هذا الامر وما حصلته
للعلم الحب من التجارب الي لازم يخوضها الانسان يلا يتعض وله ابد مايتعض من تجارب الاخرين

[هيومتي]

اكلج شغله من بعد اراء الاعضاء والاهم هي الدراسه .الحب وراه اهات اذا كانت ماعندج شهاده ولاراتب انتي مو بس اله راح تكونين

باجر يكونون عندج اطفال ولازم تفكرين بمستقبلهم وبحياتهم وتصعب الامور شوفي اهالينه شلون الاب يشتغل والام تشتغل

وهمهم شكد جبير هسه هذا الجيل ميفكر بهذا الشي بس يفكر بحبي وحبيبي والدراسه نجاح يكلك الحمد الله حتى الدراسه اذا عنده امتحان

وحبيب يخلي وقته لحب اكثر من الدراسه هاي وين صايره حبيبتي خيه (اخذي الي يحبج موتاخذين لتحبي )هاي خليه بالج

تره الزواج مسؤليه ولازم الواحد يكون كده هي مو حجي احبك وتحبني ...ورضى الاهل اهم شي ..يارب يوفقج ويسعدج

[زمرد الشمري]

اي صديقي المشكله كان عندي شعر او خاطره يتكلم عن هذا الامر وما حصلته
للعلم الحب من التجارب الي لازم يخوضها الانسان يلا يتعض وله ابد مايتعض من تجارب الاخرين

ماشاء الله عندك جواب لكولشي

[Hani Yaqoub]

ماشاء الله عندك جواب لكولشي

لا ماعندي جواب لكل شيء
كل ما في الامر اختار المواضيع الي عنده بعض المعرفه بيه
هواي اقسام ما ادخل اله بالمنتدى الي ما اعرف عنه شي
شكرا
هاج ورده

[زمرد الشمري]

لا ماعندي جواب لكل شيء
كل ما في الامر اختار المواضيع الي عنده بعض المعرفه بيه
هواي اقسام ما ادخل اله بالمنتدى الي ما اعرف عنه شي
شكرا
هاج ورده

هههههه شكرا ع الوردة ^_^