هنا

[أنثى حائرة]

اني هسة حيل ضايجة طاكة روحي لان الشخص الي احبة ميحبني وكلي اني ما احس اي شي تجاهك اني كنت اتكلم وياة بالموبايل وكلي بعد لاتتصلين وصارلي 51 يوم ما متصلة واعتقد انه هوا كايل لأمة انهوا اني اتصل بي واجت كدام امي كالتلي اهتمي بدراستك لا تفكرين بالزواج اريد اموت والله العظيم اتمنة اني اموت علمودة سويت المستحيل وجمالة فوك هذا كولة يكلي اني مشايفج هوا ابن خال ابوي وعلاقتنة مو كلش قوية بيهم واني اعرف ابوي وامي ميرضون ينطوني الة واهلة هم ميردوني لان ابوي عصبي بس ما اقدر اعوفة شسوي راح اتخبل من التفكير ارجوكم قولولي

[Hani Yaqoub]

الي افتهمته
1- مايحبج
2- اهلج ما يقبلون ينطوج اله
3- اصلا هم ما يقبلون يخطبوج لان الوالد عصبي ولان بالاصل هو ما يحبج
4- هو ابن خال ابوج وليس ابن خالج
5- هو ما شايفج ( شلون يحبج ماعرف )
6- امه اجت وضحت الج ان احنا وهو ما نريدج يعني مو مجرد ضنون
7- تقريبا شهرين ما حاجيه وياه
8- مو بس ما يحبج وقبل يبقى وياج لا كلج بعد لا تتصلين نهائيا

خويه هاي الاسباب كله وتردين ترتبطين بيه

نصيحه الج صبري بعد شهر وكسور وانت راح طلعين من ادمانه بالمعتاد بعد هيج فتره يبدي الانسان يرتاح نسبيا لان يبدي يتعود وشوي يبدي ينسى
بس هو ما يفيدج يعني مو بس حب من طرف واحد لا حب من طرف وبغض وكره من طرف الاخر فما اكو اي فرصه ان يتحقق الي تردينه
وهو قدم الج هديه من سوى هيج مستقبلا راح تشكرينه بعضهم يخليج معلقه طول عمرج مجرد تحبينه وما اكو اي فرصه للزواج حد ما يفاجئج فد يوم ان هو يريد يخطب غيرج بعد ما يفوتج القطار والسيارات والطيارات وحتى الدراجات

[ابابيل]

شلون ما شايفج ولا شايفته وتريدين تموتين علموده
كلامج غير مقنع واحس هذا كلام مراهقة وبس تلتهين بشي غيره تنسيه صكديني
الطلاب المفروض ميصير عدهم مجال لهيج امور .. هاي مرحلة مهمة تعرفين شنو مستقبل وحياة
زين ما استغلج هذا الشخص لكن من كلامه واضح يريد يستغلج حين كال ما شايفج معناها يريد بشوفج وتبدي المشاكل الحقيقة
الحمد لله انتي الله يحبج ووصلتي لهاي النقطة لو تقرين المواضيع الموجودة تحمدين ربج
كلام الاخ هاني معقول خصوصا بالصبر والانشغال بشي ثاني ما اكدر اضيف بعد

[حروف الصمت]

لو اني جان دفنت روحي واني عدله ، امي تركيه قحط خما قحط !شلون تقبلين علی نفسج تحبين واحد مايحبج؟ كرامتج فوق كلشي وانتي بنيه خلي هو يتوسل ويبجي مو انتي

[غدر الوفي]

إذا هو ميحبج وكالج لا تتصلين بيه اذاً احسلج اكطعي علاقتج بيه
ولا تذلين نفسج اكثر كدامه

[ضـحكة خـجل]

عوفيه حبيبتي
اذا مايريدج لا تذلين نفسج بعدين اهلج اساساً ما يوافقون عليه
شوفي اهتمي بدراستج اول شي وبعدين لاحكه ع شلعان الكلب
واذا فكرتي تحبين لا تخليه من طرف واحد فاشل يكون
والله يوفقج وان شاء الله تتجاوزين هذا الامر

[Hani Yaqoub]

هذا الكلام موجه لبقية الاعضاء
الانسان من يحب تتغير عنده القوانين
فنصائحكم بخصوص لو منج اكتل روحي وين كبريائج ليش تذلين روحج هاي كله ما توكل خبز اصلا يمر على هل الكلمات مرور الكرام
هو ما ينظر لهذه الامور ذله ومنقصه بل بالعكس ينظر اله تضحيه وشجاعه و و و
وله على كلامكم لا اشتهر قيس ولا عنتره ولا جميل ولا شكسبير ولا كل العشاق الي عرفهم الزمن مع ان اغلبهم يحبون من طرف واحد خاصه كانوا بزمن التواصل مع المحبوب ضعيف ويجوز اصلا شاف المحبوب مرة وحده بحياته من جان يعطس وراها والتفت اله وشافه او هيك شي
واذا انتبهتو لنصيحتي ما وصفته بهذه الاوصاف لان مو صحيحه وتقهر المتلقي
عموما ما راح تفهمون كلامي اله من تحبون ويجي شخص ينصحكم بهيج نصائح ذيج الساعه راح تعرفون شنو اقصد

[رامي الاصيل]

وله على كلامكم لا اشتهر قيس ولا عنتره ولا جميل ولا شكسبير ولا كل العشاق الي عرفهم الزمن مع ان اغلبهم يحبون من طرف واحد خاصه كانوا بزمن التواصل مع المحبوب ضعيف ويجوز اصلا شاف المحبوب مرة وحده بحياته

وهل افلح عنتره وقيس ووالخ بالحب الذي صنعته قلوبهم من طرفها فقط ..؟ لا ... اي بناء لاي علاقه من طرف
واحد مصيرها الاذلال ...نصيحتنا للاخت صاحبة الموضوع .. رائحة المراهقه تعج بالموضوع والمشكله والاجدر
تحكيم العقل على ضعف القلب ومن ثم الخلاص من وهم ( الحب الصعب )

[حروف الصمت]

هذا الكلام موجه لبقية الاعضاء
الانسان من يحب تتغير عنده القوانين
فنصائحكم بخصوص لو منج اكتل روحي وين كبريائج ليش تذلين روحج هاي كله ما توكل خبز اصلا يمر على هل الكلمات مرور الكرام
هو ما ينظر لهذه الامور ذله ومنقصه بل بالعكس ينظر اله تضحيه وشجاعه و و و
وله على كلامكم لا اشتهر قيس ولا عنتره ولا جميل ولا شكسبير ولا كل العشاق الي عرفهم الزمن مع ان اغلبهم يحبون من طرف واحد خاصه كانوا بزمن التواصل مع المحبوب ضعيف ويجوز اصلا شاف المحبوب مرة وحده بحياته من جان يعطس وراها والتفت اله وشافه او هيك شي
واذا انتبهتو لنصيحتي ما وصفته بهذه الاوصاف لان مو صحيحه وتقهر المتلقي
عموما ما راح تفهمون كلامي اله من تحبون ويجي شخص ينصحكم بهيج نصائح ذيج الساعه راح تعرفون شنو اقصد

يابه هي بنيه ولازم تتحكم بكل عواطفها مو مال تشهر بحبها وتتصل ومايجاوب الحجايه واصله لامه حسب ماتكول ويمكن لوما تخاف من الطلايب كان وصلتها لامها وتصير امور راح تنحسب عليها طول عمرها ،التضحيه والتشهير بالحب للولد فقط مو البنيه ممكن بعدين تبين حبها من يكون خطيب او زوج

[^-^بطيخة^-^]

ولو حيكون تعبير قاسي بس كلهه مسدودة بوجهج بعد شكو مجلبه؟؟عزيزتي لازم على الاقل اذا ما تهتمين لنفسج عاد خافي على ماء وجه أهلج كدام الناس و عليهم من المشاكل اللي تصير بسبب هيج أشياء بمثل ه المرحله العمريه تقبلي مروري واعتذر عن قساوتي بالكلام ..
ورودي