ما تغث البرتقال!!الشاعر حسين الساعدي
ما تغث البرتقال!!
حسين الساعدي
::::::
لاكت اوياك البرائه
والبرائه!
اتلوك بعيون الجهال
ومثل
ما لاكت ادموعي
لايك
اوياك الدلال!
وانه ذاك الكضه عمره
ويسأل بهذا السؤال
ليش
ما اكدر أشوفك
هذا من سابع محال!
وما كدرت
ابعد واعوفك
للصبر ماكو مجال!
وانته كدام الشماته
اتمايلت مثل الغزال
وتسحن ابروحي مشيتك
من يكلولك تعال!!
وما يهمك وانته تدري
اشما يخبطونك زلال!
واصفن الوصفك وجادل
ما نفع ذاك الجدال
ياطبع خالف جمالك
وانته طاغي ابهلجمال!
تدري ما نوصل خَيالك
وانته غطيت الخيال
الناس لو تاكل الخوخه
ما تغث البرتقال!
االساعدي
رد مع اقتباس
