قصـيـدة يـاعـالم تعبنــة
,,,,,,
غير رزقك ماتحوش !!!
لايعمي الدنيا غابه ’’ وموبشر بيهه وحوش
الكًوي بيهه ياكل عيون الرجيج
خوه ماكو ’’ ولابعد تنفع كًرابه
تبقى تفتر هيه هاي الدنيا هيج
يلّي متلوح العنب !!
كًول حامض تدري نفسك ماتنوش
ويااأهلنه ،،،
تصيب عيني المستحاه
من يمر بعيني منظر من وطن باكًو نداه
ومن اشوف اجدام غربه من الحضن تذبح ضناه
والموت عندي يصير منك مشتهاه
ادفن الفشله جرح بأول صباه
شمال اهلنه ياوطن ؟؟
موجنّه اهلاً للسلام !!
اشوف وادم هسه كًام تمن علينه بالسلام
وليش نستورد فتن
بظلمه ونصدر حمام ؟
يارئيس البرلمان !!
الناس فقره ’’ وحتى ترضى بالقليل
بكلشي تـقـنع ,, بس نريدلهـه امان
كًضّه عمره ’’ دمنه والدمعه يسيل
كًلنه غيمه ,,, يجوز مزنه !!
بلكت تعدّي وتشيل
الشعب عطشان المحبه ,,
بس منو يِشَربه ؟
جفوف عباس انتختله ,, وباقي طفنه
بكل كتر محتركًه خيمه
وصاح صوت ’’
هذا شعب حسين لايمكن يموت
يعني باقي ,,, شامخ بعز العراقي
وحيل صعبه ’’
من نشوف ابن الوطن باع الوطن
واصبح عميل
صرنه غربه ؟
ومن نريد نزور اهلنه لازم انجيب الكفيل
اطبكً عالتفتيش ...
منين جاي اووين رايح ؟؟
عُربي كردي ’’ شيعي سني ؟
اعتبرني بويه سايح !!
وانت تعرف اني منك وانت مني
وياعمرنه الجته هويه وهوه ريش،،
موهايه ديرتنه واهلنه ،،،
شلون صرنه اووين جنه
موتعبنه ’’ كافي ياعالم تعبنه
وخل نعيش !!!
.....................
رد مع اقتباس
المشاركة الأصلية كتبت بواسطة حـــلاة الـــروح
