قصيـدة غيــرة العبــاس عليــة السـلام
عراقيين بيهم غيرة العباس
لو صار النزال بساعة الشدّة
ولو طوفان شر يمر على الاوطان
من اجسادهم يصبح رسم سدّه
وما دام النفس بيهم حُماة الدار
ما واحد نجس عالدار يتعدّه
داعش منهو داعش واحنا ولد حسين
عدنا الموت صاحب بالوغى نودّه
واليتوهم ويوصل لباب الدار
متكَطع اوصال لسادته نردّه
روح اسأل الشام البيها صار الكون
واسأل كَبر زينب والزلم حدّه
رسمت بالشجاعة اجمل ملاحم شوكَــ
تتفده الضريح ارواح تتفده
وردّت بالعراق وزلزلت ساحات
ولو رفعت الصوت بصيحة الهدّه
ها يابو الفضل ياصاحب الصولات
من طفّك بدت والسوح ممتده
وهسه احنا اعلى خطّك من يصير ازماط
وبسيفك نهد والعايل نمرده
جرف النصر ذاك البيه تشوف شصار
وفّالك الواعد بالحرب وعده
وآمرلي الصبر ما مرها جف الظيم
ظلّت صامده بوجه البغي وجُنده
وسامره الزلم بيها تصير حزام
للمرقد الطاهر ضد اليضده
وديالى ارتوت من دم زلم وابطال
كل عايل عليها ابطالنا تردّه
وهسه الساعة حانت يم صلاح الدين
والود للمجاهد بالحرب ودّه
نترسها مقابر لليريد يجور
والحشد المقدس للوغى نحشده
بيها السني ثار اعلى البغو عالدين
والشيعي اجاه بصولته يسنده
وباجر موصل نحررها والانبار
خل داعش تخطط خطّة الشرده
*************************
مع دعائنا لابطال القوات المسلحة وابطال الحشد الشعبي والفصائل المجاهده بالنصر المؤزّر على اعداء الدين والوطن
رد مع اقتباس
المشاركة الأصلية كتبت بواسطة النقيب
