خليت الحلوات اتغار!الشاعر حسين الساعدي
خليت الحلوات اتغار!!
حسين الساعدي
::::::
لازم أنسه
ويا كلبي وجنك ما تهوه
وأحلف هسه
ما ارجعلك يل ما تسوه!
وشجايبلي ابهاي الرجعه
غير الأه وغير الدمعه!!
وانته ابونسه
وتاركني ابدمعاتي أتجوه
ولازم انسه
وما أرجعلك يل ما تسوه
::::::::::::::::::
حبيتك حُب ما يتوصف
حبيتك حُب روح ابروح
وانته ابدمعاتي وتتصرف
تتسله ابكلبي المجروح!
وما نتشارك
انته وأنه
وشلي ابهل شركه الخسرانه!
تعطش
لدموعي وتتروه
ما ارجعلك يل ماتسوه
ولازم انسه
:::::::::::::::
حبيتك حُب قيس الليله
ومجنون وأكتب اشعار
واتغزل بيك ابكل ليله
وخليت الحلوات اتغار!
وأرسمها
الومضه ابدمعاتي
وما تستاهل
كل ومضاتي!!!
هجرانك ما تدري اشسوه!
ما أرجعلك يل ما تسوه
ولازم انسه
االساعدي
رد مع اقتباس
المشاركة الأصلية كتبت بواسطة نوح السائح
