هنا

[رغد العراقية]

چنت أحبه
وچنت أشوف عيونه دنيه
وگلبه كعبه
چنت أحط راسي
بحظن طيفه اليجيني
وأغفه بمناغاة گلبي
اليسكت لدگات گلبه
چنت من أعطش أذكره
وروحي تروه
وكون يعطش
أعصر عيوني وأشربه
چنت أذا أشتاگ
أبچيله خرايط
حتى لا لحظة محنه
يعيش غربه
چان أبوي وريحة أمي
ونخلة البيت
وحلم من الطفوله
وياي يربه
چان طيفه من أختنگ
يهمس بأذاني
هواي أحبك
حتى من تحكم صلاتي
يصير تربه
هسه أجاني
شاف طيبة گلبي
صبغت لون شعري
خدودي مرسومه خرايط
گال صعبه
الورد وجويريد
ما يلتم شملهن
راح ولهسه بعدني
سنين الم بأحلام طشرها
أعله دربه

[sawsanmahmoud]

حلو .. شكرا لك

[رغد العراقية]

حلو .. شكرا لك

مرورك الاحلة .. يسلمووو

[علي الشمري]

[زهہرة]

ابداع حياتي
عاشت الايادي

[رغد العراقية]

يسلمووو كلك ذووووق.. شكرا ع المرور

[رغد العراقية]

ابداع حياتي
عاشت الايادي

يسلموو حبي ع المرور كلج ذوووق ياغاليه.