تــجي وتـروح
تجي وتروح
ماتفطن عليه مگابلك مذبوح
ما گلك ضميرك هذا ولفك طاح
جدمك لايدوسه وهو كله جروح
ماحنيت ساعه تشوفني بياحال
وانا السارح بهمك والمحنه سروح
عمر تحبل صفنتي بأمنياتي وياك
وتطيح الاماني طروح بعد طروح
ناديتك ولك والصوت عكس الريح
وأسمع بس صداي يرد علي مبحوح
حگك ملتهي ومبتسمه الك دنياك
ماتدري أعله جرحي جروح غيري تنوح
عينك بالنجم متشوف شكل الگاع
تعثر باليون أبابكم مطروح
أكسر واهسي ومرات أگول أنساك
يصرخ چم جرح غافي ويرد مفتوح
أگل لجروحي هيدن ماخلص عاشور ؟؟
حيل بعيد حلمي ويا أدين تلوح
أتغطه بحسرتي وذكرياتي فراش
وألولي أعله الينوحن صوتهن مفضوح
أذا أقنًع جرح يغفه وينام الليل
گلي بياعذر وشلون أقنع الروح
رد مع اقتباس
المشاركة الأصلية كتبت بواسطة أوراق شاعر
