أعز من الهوى
وكل ما كلت انساك
أشمك بالنفس وتذكريتك
أحاول أبتعد
عن كل شي بيه تذكار
نسيت أسمي التحبه وما نسيتك
عفت الدنيا كلها وعشت حتى أنساك
حسره بظلعي المفطر لكيتك
كل شي تعلمت بس لعبة النسيان
ما مرت على كبلك وأجيتك
علمني القساوه منينلك وشلون
كلي منين أجتك قابليتك
عجنتك بالبخت حتى البخت يحويك
أنكسر ماعون صبري وماحويتك
بديتك علي ماهمني راحت بال
بعت الراحه لجلك وأشتريتك
حطني كبال عينك شوفني بياحال
شوف لياوضع ودتني اذيتك
أباوع للسمه وشفتك سحابة موت
ومطرت بس على الحبك منيتك
أحبك أي نعم انه اعترف غلطان
بس أتعذبت ماعذبيتك
ردني لوضعي ألاول ماطلبت هواي
أحلفك بالتهمه بادميتك
علمني أعلى حبك ينسي شلون
مثل ما بعيوني دمعه تعلميتك
رد مع اقتباس
المشاركة الأصلية كتبت بواسطة زهرة التوليب
