|ذكريات|
سمعت ابذكرياتك صوت الوداع
ونصبتلهن مئاتم ذكرياتي
صح اسمر وجه ومولح اهواي
بس بملوحتي تبين حلاتي
امن اجرصفنات اشيب الميل وياي
وظفر ابهامي اطبعنه ابرحاتي
انه ادموعي حرام ايطلعن ابليل
عزيزات اوعلي جنهن خواتي
أبحياتك عشت شجره امعاشره افياي
ونته اشموس زفيت الحياتي
احشم اعيوني طيف الحلمك اتبات
وتحشم انته الكبور اعله امنياتي
،،،،،
وشد بظنوني خيط احساسك المات
وردلظنوني ولكه الخيط مكطوع
ابراس اسبوعي موعد عشرتي اوياك
ماطبيت ليش ابراس السبوع
اعيوني اشموع جانت والبعد نار
وتخيل اشصار ابذيج الشموع
ادموعي اطفال فقره امتانيه العيد
ماكسرنه كلبك حال الدموع
ادك اباب روحك دكة اعزاز
وتدك ابخنجرك بيبان الظلوع
وأون بليل ون الفاكده اوليد
وصوت ام الولد بليل مسموع
وحلـمنه الجان نادر صارجنه
علج وفجوج شامت صارجنه
دليلي ابيت هجرك صارجنه
عاجر والنوايب تـــــــوم بي
من اختياري
رد مع اقتباس
المشاركة الأصلية كتبت بواسطة أوراق شاعر
