هنا

[رغد العراقية]

ما ضلالي واهس بيك
وبغيرك صرت أرضه


ماأسئل حبيبي اشبيك!
تزعل ترضه ما ترضه


ماترجع لهفتي اعليك
وسابك كلبي بالركضه


زعلان و صحت لبيك
وبالِيزعلونك أتشضه!


شاعر والهوه ايناغيك
ومضاتي والك تفضه


ما أدري الغدر تاليك
وما تستاهل الومضه!


وبذاك الغله وشاريك
حسبالي ابربح احضه!


لكن والخساره ادريك
بيدك عمري يتكضه!


ويغارن وانه ابطاريك
إشكد حلوات معترضه


يا محبوبي و امسميك
وبدون البشر فضه!


وجان المستحه ايوافيك
وأنه ابمايك اتوضه!!!


هسه وماتكلي اشبيك
كلبك دايخ ابنبضه!


مجبور أبتعد ما جيك
لا هجرانك اتفرضه!


ماظن تقبل اتماشيك
عيني وبيدك امغمضه!


خاف احجايتي اتبجيك
البيني وبينك إنفضه


حضي الما تعدل بيك
يخايب كلمن وحضه
يخايب كلمن وحضه

[sawsanmahmoud]

حلو
شكرا لك

[رغد العراقية]

حلو
شكرا لك

يسلمووو مرورج الاحله

[النقيب]

كلمات حلووووووووووووه
تسلمين

[علي الشمري]

[رغد العراقية]

كلمات حلووووووووووووه
تسلمين

يســـلمــو مــــرورك الاحــــــلة

[رغد العراقية]

يســــلموو ع التــــــواجد المــعطـــر بالــــورد

[زين العابدين الشمري]

جميل رغد
تحياتي