هنا

[فقار الكرخي]

يا احلام عمري منين اسولف بيك
ما صدك اعيش وأنسعد بعدك
كاتلني الخجل ما اكدر احجي وياك
يا شفاف كلش واني مو كدك
اجيب الحلو العندي وادري ما محتاج
بس خليني عندك فوك ما عندك
ادور عل صفر وارد ابدي صار اسنين
شفت نفسي ابتديت بصفرك وعدك
تدلل عليه وحقك انت ابهاي
بس حقي عليك اتغازل ابودك
شنو خدك كمر لو وحدي اشوفك هيج
لو الله خلق بيك السحر وحدك
اتقرب عليه وخلي اشوفك زين
واريد اسال سؤال واحترم ردك
اذا الزم اخدودك يعني اديه اتموع
لان مايع اشوفك كلك بخدك
وعيونك بحر واني بلم تعبان
شراح اكدر اسوي بجزرك ومدك
وروجاتك عليه هوايه بس اتهون
بيهن جلبت للموت ما هدك



م

[sawsanmahmoud]

شكرا لك

[جروح الماضي لا تنسى]

رووووعة

[abas satar]

شكرالك

[رغد العراقية]